Vand(en) questien geport voe(r) den raide vand(er) stadt tusschen/ janne boxhoren inde parijstrate t(er) eend(er) ende gheerde duegens/ t(er) ande(re) ald(air) de zelve jan versocht vande(n) selve(n) gheerde ov(er) te/ hebben de slotelen vande(n) huyse katlijne(n) boxhorens zijnd(er) zust(er)/ weduwe willems wijle(n) ketseurs en(de) lijsbette(n) huer(er) dochter/ en(de) huer(er) sust(er) gelege(n) inde broecstrate ende dat de selve gheert/ d(air)toe onderwese(n) oft bedwonge(n) wordde met rechte en(de) oic d(air)toe/ dat hij zijn hande(n) lichte vande(n) selve(n) huyse ende goede(n) ende/ hem als eene(n) vande(n) naiste(n) leven(de) van dien naede(n) lantrechte/ die liet volge(n) soe dat behoorde Dair tege(n) de selve gheert/ de contrarie sustine(re)nde en meynde d(air) inne niet gehoude(n)/ te wese(n) te voird(er) want hij exhibeerde een zeker testament/ d(air)mede de voirs(creven) lijsbeth de docht(er) die de lancxstleven(de) was/ bleve(n) he(m) ende ande(re)n die goede gemaect ende gelate(n) hadde/ D(air)aff hij p(rese)nteerde te rechte te staene t(er) plaetsse(n) dair dat/ behoorde Es uuytgesproke(n) dat de selve gheert gehouden/ soude zijn den voirscr(even) janne als erfgename tot behoef/ van hem ende ande(re)n zijne(n) medeerfgename(n) de selve slotele/ ov(er) te leve(re)n ende sijn hande(n) te lichten vande(n) selve(n) goeden/ laten(de) die den selve(n) janne ind(en) name als voe(r) volghen/ soe dat naeden lantrechte behoorde behalve(n) in alsoe v(er)re
//
de selve gheert d(air)toe p(rese)nteerde actie oft recht te hebben(e) van/ testame(n)te dat hij die volge(n) mochte met rechte t(er) plaetssen/ dair ende zoe dat behoorde Actu(m) in consilio opidi p(rese)ntib(us)/ ambobus burg(imagistr)[is] berge scab(inis) et c(er)tis aliis de consilio septembr(is)/ xviii