It(em) gielis van cav(er)soen in p(rese)ntia heeft gekint ende gelijdt/ gehave(n) te hebbe(n) ende ontfangen vanden edele(n) ende moegen(de)/ hertoge willem(me) hertoge te gulcke ende totte(n)berghe greve/ te ravensberghe hee(re) te heynsberghe te dyest te zichen(en) (et)c(etera)/ ende dit uuyt hande(n) mathijs vand(en) rode rintmeesters des/ voirscr(even) hertoge(n) in zijne(n) voirscr(even) lande van dyest de so(m)me/ van twintich rinsgulden(en) uuyt saken vanden twintich/ rinsgulden(en) die de voirscr(even) giel(is) jairlijcx ende erffelijck heeft ende/ houden(de) es opde goede chijse(n) rinte(n) ende pachte(n) des voirscr(even) hertoge(n)/ vercrege(n) tege(n) he(re)n jacoppe wijle(n) greve van salme(n) bescreve(n) in zeke(re)/ scepen(en) brieve(n) van loven(e) ende ande(re) d(air)op gepasseert te twee/ t(er)mijne(n) te weten(e) deen helicht te bamisse ende dande(r) helicht te paessche(n)/ ende dit van twee t(er)mijne(n) te weten(e) van bamisse a(n)no lxxxviii en(de)/ van paesschen d(air)nae volgen(de) Bekynnen(de) hem de voirscr(even) gielis/ vande(r) voirscr(even) twee t(er)mijne(n) ende allen ande(re) t(er)mijne(n) van voe(r) de/ voirscr(even) twee t(er)mijne(n) verschene(n) volcomelijck genoech gedaen te/ zijne Scelden(de) d(air)aff quite den voirscr(even) hertoge zijne(n) rintmeest(er)/ hue(r) goede ende alle ande(re) des quitan(cie) behoeven(de) cor(am) absoloens/ berghe septembr(is) xxii