It(em) arnt cuttens sone wijle(n) arnts ende katlijne marcolfs zijn werdi(n)ne/ in tegewoirdicheyden der scepen(en) va(n) loven(e) gestaen hebben op heden/ t(er) meerd(er) zekerheyt ende vesticheyt geapprobeert alsulke(n) testam(en)t als/ zij gemaect hebben t(er) p(rese)ncien van hee(re)n janne calatijn notar(is) ond(er)p(ro)chiae(n)/ van sinte pet(er)s te loven(e) opte(n) xxiiii dach septembr(is) a(nn)[o] lxxxix en(de) dair/ bij ende ov(er) wae(re)n als getuyge(n) h(er) ghijsbrecht van bakele prieste(r)/ bertelmeeus de vos doude ende pet(er) blanckart willen(de) dat nae huer(er)/ aflivicheyt oft e(n)nich van hen in alle zijnd(er) forme(n) ond(er)houden ende/ geacht(er)volght te werdde(n) zond(er) d(air)tegen te moege(n) doen oft comen in/ enig(er) manie(re)n ende alsnu geconsenteert ende gewillecoirt ende/ bekint alle(n) den legatar(is) ende ande(re)n inden selve(n) testame(n)te begrepe(n)/ ende int(er)est d(air)inne hebben(de) scepen(en) brieve(n) navolgen(de) den zelven/ testame(n)te hen gemaict ende geexpedieert te werdden(e) om hue(r) recht/ actie ende int(er)est te moege(n) vervolge(n) altijt navolgen(de) den zelve(n)/ testame(n)te opden lancxsten leven(de) van hen beyde(n) ende alle hue(r) goede/ die nae hen beyde(n) ende elke(n) van hen acht(er)gelate(n) zulle(n) moege(n) werde(n)/ hoedanich die zijn ende alsoe dat elke(n) genoech zal moegen wesen/ in desen gereserveert oft zij beyde te live bleve(n) ende tvoirscr(even)/ testame(n)t tsame(n) wed(er)riepen eensdeels oft int geheel dat/ alsdan oick tvoirs(creven) bekin bij hen alsnu gedaen dien aengaen(de)/ van gheend(er) werden gehouden en zal wesen cor(am) hove naus(nijdere)/ septembr(is) xxv