SAL7384, Act: R°145.3-V°145.1 (238 of 1044)
Search Act
previous | next
Act R°145.3-V°145.1  
Act
Date: 1490-09-17

Transcription

2019-01-15 by fernand BERTRAND
Vand(er) questien wesen(de) tussche(n) johe(nne)se van cav(er)chon/
t(er) eenre en(de) willem(me) lobbe t(er) ande(re) o(m)me d(er) hueringe(n)/
wille van twee beempde(n) desselfs joha(n)nis gelege(n)/
te vaelbeke die deselve wille(m) soe hij seyde tege(n)/
hem gedaen hadde tsjaers om xvii(½) scilde te xiiii/
stuv(er)s tstuck d(air)af dat hij hem tacht(er) was van/
drie jae(re)n jairlicx de voirs(creven) xvii(½) scilde meyne(n)de/
dat hij hem die sculdich soude sijn op te legge(n)/
Dair tege(n) willem hem v(er)antwerde seyde dat/
op de wissel zeke(re) pe(n)ninge(n) stond(en) d(air) gesedt om hem/
te betalen(e) tscheens des trecht dairaff wisen soude/
en(de) dat hij die dair gesedt hadde voir duytgaen/
vand(er) maent datmen met lichten gelde betale(n)/
mochte en(de) dat hij d(air)af de conde hadde gedaen/
behoirlijck consente(re)nde den selve(n) johe(nne)se dat/
hij d(air)af toghe dierste jair en(de) vand(en) ande(re)n twee/
jae(re)n meynde willem ongehoud(en) te sijne gemerct/
d(er) groot(er) scad(en) die hij geleden hadde alsoe dat hij/
d(air)af bynne(n) dien twee jae(re)n luttel oft niet gehadt/
en hadde met meer woerde(n) in weersijde(n) dairtoe/
gevuecht niet te min hij wille(m) p(rese)nteerde johe(nne)se/
vand(en) selve(n) twee jae(re)n deene te laten trecke(n) va(n)d(en)/
selve(n) pe(n)ninge(n) d(air)tegen johe(nne)se hem oppone(re)nde en/
meynde niet dat willems scade sulck was dat/
hij billix voirde(r) cortsel hebben soude dan een half
//
jair huering(en) die hij hem p(rese)nteerde te cortte(n) Es uut/
gesproken dat den voirs(creven) johe(nne)se deen jair vand(en)/
selve(n) twee leste jae(re)n aen de voirs(creven) pe(n)ninge(n) betaelt sal/
sullen wordden en(de) dat will(em)me dand(er) jair gecort/
soude wordde(n) Ende want dan [des sal de selve wille(m) de hue(r) blive(n) houden aende beemd(e) d(air) af nyet tegenstaen(de) dat d(air) af] voirde(r) questie/
gerees vand(er) toecomend(er) huering(en) van dien dair/
johe(nne)s meynde en(de) boet sijne(n) eedt dat die noch drie/
jair h(ier)nae due(re)n soude en(de) willem d(air)tege(n) allegeerde/
dat hij hem selve(n) dat niet aenzwe(re)n en mochte/
gemerct dat hij willem hem dat ontkinde/
segge(n)de dat die hue(r) uut was en(de) dat johe(nne)s lange(re)n/
tijt van hueringe(n) soude moete(n) bewijsen oft hem/
d(air)af den eedt selve deylen Alsoe dat deselve johe(nne)s/
hem d(air)af den selve(n) eedt deylde den welke(n) de/
selve wille(m) alsoe ae(n)nam te doene In cons(ili)[o] op(idi)/
septembr(is) xvii
ContributorsGreet Stevens
Moderated byGreet Stevens
Last update: 2014-09-02 by Dieter Peeters