SAL7384, Akte: R°148.1 (245 van 1041)
Zoek akte
Vorige | Volgende
Akte R°148.1  
Act
Datum: 1490-09-21

Transcriptie

2019-01-10 door fernand BERTRAND
Allen dat willem le(m)mens als man en(de) momboir/
jaquemine(n) longijs heeft geconstitueert (et)c(etera) steven(e)/
duyck woenen(de) te ghint inde clocke om met rechte/
te v(er)antweerden voir wet van ghint dair en(de) soe/
dat behoirt teghen lievine coels en(de) alle ande(r) stoot/
hynd(er) en(de) belet d(air)inne doende alsulken belet als/
de selve lieve(n) den voirs(creven) constituent met rechte/
oft and(er)ssins pijnt te doene aen alsulke(n) hondert/
croene(n) als deselve steve(n) duyck den voirs(creven) willem(me)/
constituent noch sculdich tacht(er) en(de) belanck es va(n)d(en)/
coepe(n) van eene(n) huyse en(de) hove mette(n) toebehoirte(n)/
gelege(n) inde stede van ghint acht(er) de clocke Dwelc/
de selve steve(n) gecocht en(de) gecregen heeft tege(n) lieve(n)/
wijle(n) coels der voirs(creven) jaqueminen voirman die neve/
was oft brued(er) sone des voirs(creven) lievijns coels Ende/
alle saken questien en(de) gedingen dair uuyt spruyten(de)/
in aenlegg(er)s oft verweerd(er)s stat te vervolge(n) te verant/
weerde(n) te bescudden litisconteste(re)n reco(n)venie(re)n te beding(en)/
te wynne(n) te verliesen cete(r)aq(ue) Promitt(ens) rat(um) salvo/
iusto calculo cor(am) duffle buetsele septembr(is) xxi
Nagekeken doorGreet Stevens
ModeratorGreet Stevens
Laatste update:: 2014-09-02 door Dieter Peeters