SAL7384, Akte: R°195.1 (364 van 1043)
Zoek akte
Vorige | Volgende
Akte R°195.1  
Act
Datum: 1490-11-09

Transcriptie

2019-03-05 door fernand BERTRAND
Aldair inde banck voir meye(r) en(de) scepen(en) van loven(en) gecompareert/
sijn henry egnoy als yerste geleydde henrick van raveschote/
als tweeste geleydde en(de) ph(ilip)s vand(en) breyne als procur(eur) mijns/
hee(re)n van bout(er)shem derde geleydde ond(er) den ande(re)n totte(n) goed(en)/
have en(de) erve gielchon garijn tegen malcande(re)n en(de) zij in alle(n)/
zijde(n) hebbe(n) doen lesen hue(r) voirs(creven) beleyde Soe hebben de voirs(creven)/
henry egnoy en(de) henrick van raveschote gesustineert met/
hue(re)n oude(re)n beleyde te p(ro)cede(re)n den voirs(creven) ph(ilip)e en(de) sijne(n) beleyde/
d(air)tege(n) deselve ph(ilip)s t(er) (contra)rien sustine(re)nde te voirde(r) want hij/
p(rese)nteerde te thoene(n) dat hij hem yerst en(de) voir al mett(er) stadt/
br(ieven) desselfs gielchon goede hadde doen leve(re)n en(de) d(air)nae vo(n)nisse/
van contumac(ien) d(air)ov(er) gecrege(n) en(de) d(air)nae de goede met p(ro)clamacien/
doen vercoepen en(de) dat de pe(n)ning(en) van dien v(er)coepe hem/
toegeseeght wae(re)n alsoe dat die den voirs(creven) gielise nyet meer/
toe en behoirden al voe(r) eer enich vande(n) ande(re)n twee/
geleydden voirs(creven) hem die hadde doen leve(re)n oft vonnesse/
d(air)op gecrege(n) dwelck hem vande(n) voirs(creven) twee vorste(n) geleydd(en)/
ontkint wert Ende naedien deselve ph(ilip)s d(air)toe sijne(n)/
dach van thoene gehadt hadde die langhe verstreken was/
en(de) d(air)nae vele genechte(n) verstreken wae(re)n ten welken hij/
hem niet gep(rese)nteert en hadde noch bereet gethoent om mette(n)/
selve(n) zijne(n) thoene voirt te vae(re)n en(de) de voirs(creven) twee yerste/
geleydde op heden come(n) sijn inde banck voir meye(r) ende/
scepen(en) van loven(en) des voirs(creven) steet te kenne(n) geven(de) ende/
versueken(de) trecht nae de voirgesciedenisse Soe verre/
dat scepen(en) ind(en) saken gemaent gewijst hebben met vonnesse/
wair deselve ph(ilip)s met sijne(n) thoene nyet voirts en voe(r) dat/
hij met sijne(n) voirnemen(en) verdoelt wae(r) In scampno nove(m)br(is)/
ix
Nagekeken doorGreet Stevens
ModeratorGreet Stevens
Laatste update:: 2014-09-03 door Dieter Peeters