SAL7384, Act: R°216.5-V°216.1 (398 of 1044)
Search Act
previous | next
Act R°216.5-V°216.1  
Act
Date: 1490-11-22

Transcription

2019-05-14 by fernand BERTRAND
Condt zij allen lieden dat op heden voir ons gecom/
pareert sijn in hue(re)n p(er)soene(n) (et)c(etera)
jan vand(er) hofstadt en(de)/
balbine lyebuys sijn huysvrouwe t(er) eenre ende vranck/
vand(er) hofstadt hue(r) wettige sone t(er) ande(r) zijden [in p(rese)ntia] ende/
hebben deselve gehuyssche(n) gekint en(de) gelijdt dat zij getra(n)spor/
teert gecedeert ende ov(er)gegeve(n) hebben ende mits desen/
transporte(re)n cede(re)n ende ov(er)geve(n) den selve(n) vrancke hue(re)n
//
sone thoff geheete(n) roesbeke gelege(n) te libbeke met/
allen den winnen(de) lande(n) beemde(n) eeussele(n) bosschen/
chijsen pachten ende rinte(n) totte(n) selve(n) hove behoiren(de)/
Ende insgelijcx alle hue(r) ande(re) omberuerlijck(en) goede/
hoedanich die sijn wair die gelegen sijn oft bevond(en)/
sulle(n) moege(n) wordde(n) ind(en) lande van brabant oft/
elswair Ende hebben insgelijcx getransporteert/
en(de) ov(er)gegeve(n) ende mits desen transporte(re)n ende/
ov(er)geve(n) den selve(n) vrancken hue(re)n sone sond(er) enich/
recht dair inne te hebben oft naemaels te behoud(en)/
in enig(er) manie(re)n alle ende yegewelke alsulke haeff(elijcke)/
goede ende vliegen(de) erve als de selve gehuyssche(n)/
besitten(de) sijn ond(er) libbeke ende elswair dair die bevond(en)/
soud(en) moege(n) wordde(n) om die bij hem te houden/
te hantplichte(n) ende te gebruycke(n) gelijck sijne(n) p(ro)pe(re)n/
goede Op alsulke(r) vuege en(de) conditien in des(en) ond(er)/
sproken bijde(n) selve(n) p(ar)tien dat de voirs(creven) vranck hue(r)/
sone dragen ende cuele(n) sal alle de sculde(n) der selv(er)/
gehuyssche(n) hier nae volgen(de) Te weten(e) tsestich rinsguld(en)/
eens aen jouffr(ouwe) jaquelijnen pollarts It(em) vier rinsguld(en)/
lijfpen(sien) aen joh(ann)em vullincx It(em) twee rijd(er)s lijfpen(sien)/
aen marien scleppers It(em) drie croene(n) erff(elijck) aenden/
heylige(n) geest van s(in)t jacops te loven(en) It(em) eene(n) leen/
erffelijck aen jouffr(ouwe) g(er)truyde(n) van belanden(en) dair/
tege(n) deselve vranck heffen bue(re)n ende ontfange(n)/
sal tot sijne(n) profijte alle alsulke schulde(n) ende/
acht(er)stelle(n) van rinte(n) oft pachte(n) dieme(n) den voirs(creven)/
gehuyssche(n) tot opde(n) dach van heden sculdich mach/
sijn sond(er) argelist Ende dat deselve vrancke/
sijne(n) vader ende moed(er) voirs(creven) van nu voirtaene/
nae hue(re)n staet ende gelegenth(eit) sal ond(er)houd(en) wel/
en(de) temelijck van hue(re)n montcosten eten en(de) drincke(n)/
de selve cleeden ende scoeden ende die ond(er)houd(en)/
van sgheens des hen noetelijck en(de) and(er)ssins behoeven(de)/
soude moegen sijn soe langhe sij leve(n) sulle(n) ende/
de lancxstleven(de) van hen beyde(n) leve(n) sal soe dat/
hen en(de) elke(n) van hen hue(re)n duerdach due(re)nde genoech/
sal moege(n) wesen alle dwelck de voirs(creven) vranck/
ind(er) manie(re)n voirs(creven) geloeft heeft en(de) mits des(en) geloeft/
wel en(de) getrouwelijck tacht(er)volgen(e) en(de) d(air)inne te doene/
gelijck een goet kijnt sijne(n) oud(er)s van gods wegen/
sculdich soude moege(n) sijn van doene cor(am) lyefke(n)rode/
kersmake(re) nove(m)br(is) xxii
ContributorsGreet Stevens , Jos Jonckheer
Moderated byGreet Stevens
Last update: 2014-09-03 by Dieter Peeters