Opt gescille geport tusschen arnde vand(er) eect ende/ robrechte van schoene(n)beke t(er) eenre ende henr(icke) van/ beringe(n) meye(r) van halen ende henricke van zurpele/ voir hem selve(n) en(de) oick beyde inden name van henricke/ vand(er) eect godev(ar)de gielis ende henricke bake(re) alle drie/ absent die zij hier inne gelove(n) te v(er)vangen t(er) ande(re) Aengaen(de)/ den reste van xiii rinssche gulden(en) dat de voirs(creven) arnt/ vand(er) eect eyschte der voirs(creven) ande(r) p(ar)tien vande(n) lxxx rins/ gulden(en) die hem tande(re)n tijden alhier bij uuytsprake(n)/ vand(er) stadt ov(er) die van halen voir zeke(r) vervolghe/ van hue(re)n wege(n) ende uut hue(re)n laste en(de) procu(r)acien/ hen bijde(n) selve(n) van halen gegeve(n) gedaen bijde(n) selve(n)/ arnde Ende voirts vanden coste(n) van xviii rinsguld(en)/ bij hem geleden om der voirs(creven) lxxx rinsguld(en) te v(er)volge(n)/ ende dae(re)nbove(n) om der coste(n) wille die gesciet wae(re)n bij/ gebreke van betalinge(n) der xiiii pet(er)s eens van twee jae(re)n/ acht(er)stels der seve(n) pet(er)s tsjaers D(air)inne deselve arnt/ mette(n) voirs(creven) henr(icke) bake(re) henr(icke) vand(er) eect en(de) godev(ar)de/ gielis met scepen(en) br(ieven) van loven(en) voir die van halen
//
v(er)obligeert staen aen een hantscoemakersse bynne(n) des(er)/ stadt van welken xiiii pet(er)s van twee jae(re)n gevallen/ elcx jairs seve(n) deselve drie p(er)soene(n) als arnt de(n) voirs(creven)/ last vanden vervolge(n) ae(n)nam den selve(n) arnde geloeft/ hadd(en) schadeloes tontheffen bove(n) den welken de/ selve arnt soe hij seyde gepraemt was voir de/ voirs(creven) drie rinsgulden(en) van coste(n) bij gebreke vand(en)/ betalinge(n) ende lossinge(n) van dien gebuert oft voir/ deselve xiiii pet(er)s ende alsoe sustineerde mits dien/ oick van hen vande(n) selve(n) coste(n) gelost te wordde(n)/ uut(er) vroente(n) dair hij inne sadt ende eene wijle/ tijts gesete(n) hadde vande(n) welke(n) sijn wed(er)partie de/(contra)rie sustine(re)nde besundert vanden reste van xiii rinsguld(en)/ ende den coste(n) van xviii rinssche guld(en) hoepten zij/ quijt te wesen ende te gestaene metten tachte(n)tich/ rinsgulden(en) die hij opde voirs(creven) xiii rinsgulden(en)/ nae al in swae(re)n gelde ontfange(n) hadde dair/ sijn vervolg(en) ende uutlegge(n) in dien gesciet was/ vele inden lichte(n) tijde vande(n) gelde Ende vand(en)/ ande(re)n pointe te weten(e) vande(n) costen die hij nu/ dagelijcx dede ende gebuert wae(re)n soe arnt seet/ om der drie rinsguld(en) wille van costen voirs(creven) seyde(n)/ zij d(air)tege(n) neen mair wa(r)e sijn hachte gebuert en(de)/ de coste(n) van dien om seve(n) pet(er)s wille die zedert/ tzijne(n) laste gevalle(n) wae(re)n en(de) tot hue(re)n laste niet/ en stonde(n) d(air)aff zij hem niet en hadden geloest/ tontheffen ende hadde(n) die betaelt geweest/ de pensionarijse en soude(n) d(air)voe(r) gheen v(er)volgh/ noch coste(n) gedaen hebbe(n) Es mynlijck tusschen/ p(ar)tien uutgesproken nae dien zij hen des in/ wed(er)zijde(n) voir scepen(en) van loven(en) gesubmitteert/ hebben inde mi(n)like uutsprake zond(er) riguer van/ arnde vand(en) hove borg(er)meest(er) lyefke(n)rode pynnock/ scepen(en) ende voirt in meer ande(re)n goed(en) ma(n)nen/ vand(en) raide dat aengaen(en) den derthien rinsguld(en)/ van reste(n) ende achthien rinsguld(en) van costen/ gedaen om de tachtentich rinsguld(en) te v(er)volge(n)/ de voirs(creven) tweeste p(ar)tie den voirs(creven) arnde alles/ betale(n) sal achtien rinsguld(en) eens goetsgelts/ ende d(air)mede in dien gestaen Ende aengaen(de)
//
den derden pointe vanden costen bij arnde/ nu voerseten ende geleden soe ov(er)mits den drien/ rinsgulden(en) voirs(creven) soe uuyt saken vande(n) seve(n) pet(er)s/ zedert gevalle(n) dairaff questie es wair voe(r) die/ gebuert sijn Es duytsprake dat die tusschen beyde/ de voirs(creven) p(ar)tien half ende half gedragen sullen/ wordden alsoe dat dyerste p(ar)tie ende de adhe(re)nte(n)/ van dier hue(r) hellicht hoedegelijck ende de tweeste/ p(ar)tie oick hoedegelijck dragen sullen Act(um) in cons(ili)[o]/ opidi decembr(is) xi