Want meest(er) gheert van baussele als procur(eur) gerardts/ van baussele sijns vaders geleydt sijnde nae des(er)/ stadt recht voir sijn wettich gebreck uut crachte/ van scepen(en) brieve(n) van loven(en) tot allen den goeden/ beyde have ende erve willems toele(n) ende wout(er)s/ svorst(er)s soe wair die gelegen sijn hem met brieve(n)/ van des(er) stadt gescreve(n) aenden meye(r) van halen/ oft zijne(n) stadhoude(r) alle deselve goede behoirlijck/ heeft doen leve(re)n ende thomase vand(er) leene(n) en(de)/ marien vand(en) putte sijnd(er) huysvrouwen ende/ janne beys dach van rechte te compare(re)n inde/ banck voir meye(r) ende scepen(en) van loven(en) doen/ besceyden oft zij hen dair tegen hadden wille(n) oppone(re)n/ Aldair zij op heden als ten verstreken(en) daige/ niet gecompareert en zijn noch procur(eur) van/ hue(re)n wegen hem dair tegen oppone(re)nde den/ voirs(creven) geleydden ind(en) name als bove(n) altijt/ compare(re)nde ende trecht voirt versueken(de)/ Soe hebben scepen(en) van loven(en) t(er) maniss(en) smeyers/ nae dat hen bij rescripte henricx van beringe(n)/ meye(r) van halen behoirlijck gebleken heeft/ de voirs(creven) leveringhe ende dach besceydinge/ geschiet te sijne gewesen voir een vonnesse wair
//
de wederp(ar)tie des voirs(creven) geleydden niet en com/ pareert ten opstaene smeyers en(de) der scepen(en) datme(n)/ den selve(n) geleydden houd(en) soude inde macht/ van sijne(n) beleyde scepen(en) brieve(n) ende leveringe(n)/ alsoe v(er)re alst noch voir scepen(en) come(n) es In sca(m)pno/ decembr(is) xviii