Want henrick molema(n) als man ende momboir lijsbette(n)/ vanden plasse zijnd(er) huysvrouwe(n) geleydt sijnde nae/ des(er) stadt recht voir sijn wettich gebreck uut crachte/ van scepen(en) brieve(n) van loven(e) tot allen den goeden/ beyde have ende erve wout(er)s svorst(er)s willems vand(er)/ eect en(de) matheeus crane(n) soe wair die gelegen sijn/ hem met brieve(n) van des(er) stadt gescreve(n) aenden/ meye(r) van halen oft zijne(n) stadhoude(r) Alle deselve/ goede behoirlijck heeft doen leve(re)n en(de) liebrechte/ svorst(er)s arnde ja(n)ne en(de) cornelise vand(er) eect gebruede(re)n/(christ)ine crane en(de) ja(n)ne hue(re)n man dach van rechte te/ compare(re)n inde banck voir meye(r) ende scepen(en) van/ loven(e) doen besceyden oft zij hen dair tegen hadd(en)/ willen oppone(re)n Aldair zij op heden als ten v(er)streken(en)/ daige niet gecompareert en zijn noch procur(eur) van/ hue(re)n wegen hen dair tegen oppone(re)nde den voirs(creven)/ geleydden altijt compare(re)nde en(de) trecht voirt v(er)sueken(de)/ Soe hebben de scepen(en) van loven(e) t(er) maniss(en) smeyers/ nae dat hen bij rappoirte wout(er)s van boenrode/ des(er) stadt bode behoirlijck gebleken heeft de voirs(creven)/ leveringe en(de) dach besceydinge gesciet te sijne gewes(en)/ voir een vonnesse wair de wed(er)p(ar)tie des voirs(creven)/ geleydden niet en compareert ten opstaen(e) smeyers/ en(de) der scepen(en) datmen den selve(n) geleydd(en) houd(en)/ soude inde macht van sijne(n) beleyde scepen(en) brieve(n)/ en(de) leveringe(n) also v(er)re als noch voir scepen(en) come(n)/ es In scampno januarii xxix