Item claes van wynge sone wijlen anthonijs/ peter de naen ende jan van dormale als mo(m)bo(r)en
//
va(n)d(en) wettigen suste(re)n desselfs claes ind(en) name d(er)/ selv(er) gesuste(re)n t(er) eenre ende arnt meys met katlijne(n)/ bone sijne(n) wive moeye desselfs claes van wynge/ en(de) sijnd(er) suste(re)n t(er) ande(re) hebben gekint ende gelijdt/ dat sij bij middele en(de) ond(er)wijse van goed(e) ma(n)ne(n)/ hue(re)n vrinde(n) samentlijck v(er)eenicht en(de) ov(er)comen/ sijn van allen pe(n)ning(en) sculd(en) en(de) haeflik(en) actien dieme(n)/ claese wijlen bone vad(er) der voirs(creven) katlijne(n) ende/ zweer was des voirs(creven) wijle(n) anthonis sculdich/ was en(de) noch ombetaelt uutstonde(n) ten tijde va(n)d(er)/ aflivich(eyt) vand(er) weduwen desselfs wijle(n) claes/ bone die inde(n) leste(n) leven(de) bleeff soe van diversen/ levering(en) van vleesche bijden voirs(creven) wijle(n) claese/ bone gedaen den p(re)laten van vlied(er)beke p(er)cke/ oft ande(re)n Ende oick vand(en) ghene(n) dairaff zeke(re)/ cedulle(n) en(de) obligatien zijn gegeve(n) bij janne van/ olmen rintmeest(er) van brabant het zij dat die/ gehave(n) sijn oft alnoch te heffen staen Ende oick/ van allen ande(re)n schatsculden hoedanich die sijn/ dieme(n) den selve(n) wijlen claese bone sculdich was/ als hij sterff soe v(er)re die t(er) tijt vand(er) aflivich(eyt)/ zijnd(er) weduwen noch ombetaelt uutstonden/ en(de) des allen dien aencleeft d(er) pointe(n) vorw(er)d(en)/ ende conditien h(ier)nae verclaert die sij malcande(re)n/ geloeft hebben tond(er)houden en(de) te voldoen(e) Ind(en) ierste(n)/ dat den voirs(creven) claese van wynge en(de) sijne(n) suste(re)n/ geheelijck volge(n) sullen alle alsulken sculden/ van leveringe(n) van vleesche den voirs(creven) p(re)late(n)/ van vlied(er)beke en(de) p(er)cke bijde(n) voirs(creven) wijle(n) claese/ bone gedaen die ten tijde vand(er) aflivicheyt va(n)d(er)/ weduwen desselfs wijle(n) claes dairaff ombetaelt/ uutstonden en(de) d(air)enbove(n) oick alle ande(re) scatsculd(en)/ dieme(n) de(n)selve(n) wijle(n) claese and(er)ssins acht(er)strate(n)/ alh(ier) sculdich bleef en(de) noch ombetaelt wa(r)en/ t(er)tijt vand(er) aflivich(eyt) vand(er) voirs(creven) sijnd(er) weduwe(n)/ hoedanich die sijn sond(er) dat de voirs(creven) arnt/ oft sijn wijff d(air)toe yet te segge(n) sullen moegen/ hebben oft d(air)aen deel recht oft actie sueken in/ e(n)nig(er) wijs Ende in die stat sulle(n) deselve claes/ van wynge ende sijn sust(er)s den selve(n) arnde
//
ende sijne(n) wive geve(n) ende betalen hondert vijffen(de)twintich/ rinsgulden(en) de vijftich d(air)aff te palmsondach naistcomen(de)/ de xxv te sinxen(en) d(air)nae de xxv te bamesse d(air)nae/ en(de) de leste xxv [r(ins)g(ulden) d(air)af] te kersmesse d(air)nae v(er)volgen(de) te/ betalen(e) quol(ibet) ass(ecutu)[m] It(em) aengaen(de) den sculd(en) die jan/ van olmen rintmeest(er) van brabant was mits sijnd(er)/ obligatien ond(er) sijn hanteyken sculdich es die sulle(n)/ beyde de p(ar)tien te gelijcke vervolge(n) ende wes d(air)aff/ comt dat sullen sij te gelijck deylen ende hebben/ cor(am) duffle hoeve(n) martii xi