SAL7384, Act: R°419.1 (757 of 1044)
Search Act
previous | next
Act R°419.1  
Act
Date: 1491-03-22

Transcription

2020-07-10 by fernand BERTRAND
Item jan van brabant sone wijle(n) karels die in/
hachten alhier gestelt es geweest ten versueke/
robb(er)ts van hoye als rintmeest(er) vand(er) rameye/
t(er) causen vand(er) pechtingen die de voirs(creven) wijle(n)/
kaerle zijn vad(er) h(ier)voirmaels en(de) hij d(air)nae gehoud(en)/
hebben vand(en) goed(en) des voirs(creven) goidshuys heeft de/
voirs(creven) jan geloeft tussche(n) dit en(de) den t(er)mijn van drie/
weken naistcomen(de) te gaene spreken met m(ijn) vrouwe(n)/
des goidshuys vand(er) rameye voirs(creven) om met huer/
te ov(er)come(n) vand(en) selve(n) hue(re)n gescillen op dat sij conne(n)/
oft bynne(n) den selve(n) tijde van drie weke(n) naistcomen(de)/
te weten(e) des dijsendaighs nae beloeken(en) paessche(n)/
alh(ier) wed(er) int recht te come(n) en(de) rechts te plege(n) tege(n)/
de(n) selve(n) rintmeeste(r) en(de) tgewijsde te voldoene als/
vand(en) voirs(creven) pechtinge(n) vand(en) goed(en) voirs(creven) en(de) dat/
vand(en) t(er)mijne van drie jae(re)n voirled(en) en(de) die deselve/
kaerle genome(n) hadde eene(n) t(er)mijn van ix jae(re)n elcx/
jairs om en(de) voe(r) de so(m)me van xviii mudde(n) corens/
en(de) xii mudd(en) evene(n) t(er) goed(er) rekeni(n)ge(n) oft alsoe vele/
als goede ma(n)nen die bij deselve come(n)scape geweest/
hebben segge(n) sullen Heeft voirts geloeft de voirs(creven)/
jan van brabant den voirs(creven) robb(er)de te betalen(e) de/
coste(n) h(ier)o(m)me gedaen gedragen(de) tsamen xv stuv(er)s/
bynne(n) den selve(n) tijde ta(m)q(uam) ass(ecutu)[m] cor(am) lyefkenrode/
buetsele martii xxii
ContributorsGreet Stevens
Moderated byGreet Stevens
Last update: 2014-09-04 by Dieter Peeters