Item willem vand(er) bruggen al(ia)s metten gelde als/ brued(er) van svad(er)s wegen van anth(onijs) vand(er) brugge(n)/ ond(er) sijn daige sijnde heeft geapprobeert alsulken/ erfuuytgevi(n)ge alse pet(er) vyncke van meerhout en(de)/ wout(er) buelens te diest wonen(de) alse mombours ende/ mage desselfs anthonijs vand(er) moed(er) wege(n) gedaen/ hebben truytene myelen oick te dyest woenen(de) van/ eene(n) huyse ende hove mette(n) toebehoirte(n) den selve(n)/ anthonise toebehoiren(de) gelege(n) te dyest inde bev(er)strate/ tusschen de goede willems vand(en) lae(r) t(er) eenre en(de)/ de goede desselfs anth(onijs) t(er) ande(r) zijd(en) Ende heeft/ geloeft deselve willem tselve van weerden te houd(en)/ Bij alsoe nochtan dat int selve erfuutgeve(n) dmeest/ profijt van sijne(n) brued(er) voirs(creven) voirtgekeert es en(de) dat/ de rinten ende profijten d(air)aff comen(de) bove(n) de co(m)me(re)n/ d(air) uutgaen(de) den selve(n) sijne(n) brued(er) toegevuecht werdd(en)/ soe dat behoirt cor(am) eisdem