SAL7384, Akte: R°82.4-V°82.1 (137 van 1041)
Zoek akte
Vorige | Volgende
Akte R°82.4-V°82.1  
Act

Transcriptie

2018-12-02 door fernand BERTRAND
Vand(er) questien ghecomen voe(r) den borg(er)meest(er)/
vand(er) stadt te weten(e) arnde vand(en) hove tussche(n)/
m(er)ten(e) van arschot al(ia)s mold(er)s t(er) eenre en(de) jorijse/
vand(er) varent t(er) ande(re) om zesse rinsgulden(en) die/
m(er)ten den selve(n) eysschen(de) was van houte te/
kyeseke(m) optboechout dwelck jorijs van hem/
gehadt hadde die hij meynde tontfaene/
vande(n) selve(n) jor(ijse) in zwae(re)n gelde mits dat/
de maent ov(er)gegaen was en(de) jor(ijs) meynde/
want hij groot verlies vande(n) selve(n) houte gehadt hadde
//
dwelck he(m) ontweldicht was bynne(n) den tijde/
d(er) orloge(n) alsoe dat hij des niet en hadde moege(n)/
gebruycke(n) oick want hem deselve m(er)ten oick/
d(air)teghen sculdich was twee rinssche gulden(en)/
van pijne en(de) arbeyde soe meynde hij luttel/
oft nyet d(air)af te derve(n) gene(n) eve(n) verre hem/
cortsel mocht gebue(re)n nae gelegenth(eit) van sijne(n)/
verliese Es geappointeert bijden selve(n) borg(er)meest(er)/
nae dats hen p(ar)tien in wed(er)zijde(n) gekeert/
hadden tot zijne(n) mi(n)like(n) appointeme(n)te dat/
voir al tgeene des de voirs(creven) m(er)ten totten/
selve(n) jor(ijse) uut sake(n) van des voirs(creven) steet/
te segghe(n) mocht hebbe(n) oft teysschen en(de) d(air)af/
zij tege(n) malcande(re)n in rechte stonden te wynghe/
deselve jor(ijs) hem betale(n) soude vijftich stuv(er)s/
half licht en(de) half zwair gelt en(de) de coste(n)/
vande(n) gedinghe soude(n) wordde(n) gecompe(n)seert/
cor(am) hove burg(imagistr)[o] augusti q(ua)rta
Nagekeken doorGreet Stevens
ModeratorGreet Stevens
Laatste update:: 2014-09-01 door Dieter Peeters