Want wout(er) mychar als geleydt nae des(er)/ stadt recht voir sijn wettich gebreck uut/ crachte van scepen(en) brieve(n) van loven(en) tot alle(n)/ den goeden beyde have en(de) erve reyners/ clabo soe wair die gelegen zijn hem met brieve(n)
//
van des(er) stadt gescreve(n) aend(en) meye(r) van s(in)te/ remeysgest oft zijne(n) stadhoude(r) alle deselve/ goede behoirlijck heeft doen leve(re)n en(de) den/ voirs(creven) reyne(re) en(de) jasp(ar)e clabbo dach va(n) rechte/ te compare(re)n inde banck voir meye(r) ende/ scepen(en) van loven(en) doen besceyden oft zij hen/ d(air)tegen hadden willen oppone(re)n Aldair zij/ op heden als ten verstreken(en) daighe nyet/ gecompareert en zijn noch procur(ator) van hue(re)n/ weghen hem dair tege(n) oppone(re)nde den voirs(creven)/ geleyden altijt compare(re)nde en(de) trecht voirt/ v(er)sueken(de) Soe hebben scepen(en) van loven(en) ter/ manissen smeyers nae dat hen bij rescripte/ anceal de dongleb(er)t smeyers van s(in)te remeys/ gest voirs(creven) behoirlijck gebleke(n) heeft de voirs(creven)/ leveri(n)ghe en(de) dach besceydinghe geschiet/ te sijne gewesen voir een vonnesse wair/ de wed(er)p(ar)tie des voirs(creven) geleyden niet en/ compareert ten opstaene smeyers en(de) d(er) scepen(en)/ datme(n) den selve(n) geleydd(en) houd(en) soude inde/ macht van zijne(n) beleyde scepen(en) brieve(n) en(de)/ leveringhe(n) alsoe v(er)re alst noch voir scepen(en)/ comen es In scampno augusti xix