Op daensprake ghedaen inde banck voe(r) meye(r)/ en(de) scepen(en) van loven(en) bij henr(icke) van raveschote/ als geleydt nae des(er) stadt recht tot alle(n) den/ goeden have en(de) erve henricx van pulle jouffr(ouwe)/ m(ar)griete(n) vand(en) horick zijns wijfs en(de) jans/ van pulle huers soens totte(n) selve(n) henr(icke) van/ pulle ald(air) deselve geleidde dede lesen zijn beleydt/ voirs(creven) en(de) seggen hoe hij hem met br(ieven) van des(er)/ stadt die ald(air) gheexhibeert werdden aende(n) meye(r)/ van libbeke gescr(even) hadde doen leve(re)n alle de goede
//
desselfs henr(icx) van pulle aldair sustine(re)nde/ dat hem en(de) zijne(n) beleyde tot zijnd(er) wettig(er)/ scult behoef die hij bij eede p(rese)nteerde te ve(r)ifi/ ceren namelijck den acht(er)stelle van vier/ jae(re)n van dien verschene(n) en(de) ombetaelt uuyt/ staen(de) sculdich wae(re)n te volge(n) he(m) des gedra/ gende totte(n) recht en(de) alse van sgheens des/ he(m) dairaf bij den selve(n) van pulle oft den/ zijne(n) zedert d(er) leveri(n)ghe(n) ontwildicht/ was bove(n) en(de) in (contra)rien vand(er) selv(er) leveri(n)g(en)/ en(de) alsoe vande(n) rechte van des(er) stadt d(air)af/ protesteerde hij omverlet te staene oft zijn/ recht d(air)af te sueke(n) nade(n) beslicht va(n) dese(n)/ zoe sijne(n) raidt gedrage(n) sal Op dwelck de/ voirs(creven) van pulle antwerden(de) dede segghe(n)/ met vrinde(n) uuytwege(n) sond(er) int principael/ te come(n) hoe dat hij meynde [dat] dexec(ucie) en(de)/ trecht va(n) dese(n) stille stae(n) soude oft e(m)mer wa(n)t/ de schult vande(n) voirs(creven) beleyde soe hij seyde/ spruyten(de) quam en(de) oerspronck nam uut scepen(en)/ br(ieven) van rinte(n) die voirt hue(re)n oirspronck/ name(n) uute(n) testame(n)te henricx wijle(n) de pape/ dat die beleyde [beyde] bij een bracht wordde(n)/ soud(en) en(de) ond(er)socht wordde(n) oft die scepen(en) br(ieven)/ wel wae(re)n gefu(n)deert en(de) oft bevonde(n) wordde/ des alsoe niet te behoiren(e) soe p(rese)nteerde hij/ onv(er)let te staene naird(er) d(air)op tantweerden(e)/ dair tege(n) de voirs(creven) geleyde r(e)plice(re)nde seyde/ dat dese scepen(en) br(ieven) va(n) beleyde spruyten(de) quame(n)/ uut xviii rinsgulden(en) lijfpen(sien) d(air)af de voirs(creven)/ van pulle he(m) [sculdich was] de pri(n)cipale pe(n)ni(n)ge(n) die hij/ egheenss(ins) en wijst te crige(n) en(de) alsoe begeert/ hadde t(er) lijfpen(sien) gestelt te hebbe(n) soe dat/ tot grot(er) bede(n) va(n) he(m) en(de) sijne(n) vrinde(n) d(air)/ voe(r) met hem bidden(de) gedae(n) was en(de) dat/ die pe(n)ninge(n) come(n) wae(re)n van coste(n) ind(en)
//
leenhoff van hev(er)le en(de) voir m(ijn) gened(ichen) hee(re)n/ raet en(de) elswair geschiet die getaxceert zijnde/ behoirlijck quame(n) tot dier oft meerd(er) so(m)men/ desme(n) alsoe t(er) wairheyt bevinde(n) soude ofts noot wa(r)e/ des neen? mits den willige(n) en(de) ombedwonge(n)/ obligacie(n) en(de) scepen(en) br(ieven) bijde(n) voirs(creven) va(n) pulle/ en(de) den zijne(n) bekint d(air)uuyt voirt des voirs(creven) henr(icx)/[van raveschoet] beleydt gespruyt es Es gewesen bijde(n) scepen(en)/ va(n) loven(en) t(er) manissen smeyers gelieft de(n) voirs(creven)/ va(n) pulle naird(er) te antwerden(e) dat hij dat/ doen mach In scampno augusti xxi