Arnold(us) de vroenhove(n) ma(r)itus/ et ma(m)b(ur)n(us) do(m)i(cel)[le] ka(teli)[ne] de buets(ele)/ Item henrick marien sone wijlen jans woenen(de) te he(re)nt/ heeft geloeft jouffr(ouwe) katlijne(n) van buetsele weduwe/ jans wijle(n) va(n) daelhem dat hij tussche(n) dit en(de) sint/ andriesmesse naistcomen(de) ov(er) drie jae(re)n d(air)nae alsoe/ vele bij ty(m)meri(n)gen en(de) and(er)ss(ins) bete(re)n sal de ca(m)me geheete(n)/ ons(er) vrouwe(n) huys gelege(n) inde prochie van he(re)nt/ voirs(creven) den selve(n) henricke toebehoiren(de) De welke alsnu/ mits der orlogen voirlede(n) verbrant es dat deselve/ ca(m)me alsdan goetgenoech sijn sal voir alsulk(en) mudde/ rocx erffelijck als de voirs(creven) weduwe d(air)op jairlijcx/ hadde en(de) heffende was behalve(n) dat alsulke(n) drie/ jairpachte(n) d(air)af den leste(n) verschijne(n) sal tsinte andries(mes)se/ naistcomen(de) en(de) voirts noch drie ande(re) jairpachten/ die nade(n) selve(n) s(in)t andriesmesse naistcomen(de) valle(n)/ en(de) verschijne(n) sulle(n) doot en(de) te nyeute sijn sullen/ alsoe dat de voirs(creven) henrick en(de) sijn goede oft erfge/ name(n) d(air)af bynne(n) dien tijde yet sculdich sulle(n) sijn/ te geve(n) Behoudelijck dat deselve drie jae(re)n lede(n)/ sijnde de voirs(creven) weduwe wed(er)om staen sal op hue(r)/ recht vande(n) voirs(creven) mudde rogs erffelijck nae inhoudt/ der scepen(en) brieve(n) van loven(en) d(air)af mentie maken(de)/ om van dan voirtane tselve mudde rogs erffelijc/ jairlijcx te heffen te hebben en(de) tontfangen opde voirs(creven)/ ca(m)me als opden gerechte(n) pant van de(n) selve(n) mudde/ cor(am) lyefkenrode hoeve(n) augusti penultima