Want raes van grave(n) die bij hem oft henr(icke) wijle(n)/ steyma(n) doen t(er)tijt zijne(n) procur(ator) nae des(er) stadt recht/ come(n) en(de) geleydt es voir sijn wettich gebreck uut/ crachte van scepen(en) brieve(n) van loven(en) tot alle(n) den/ goede(n) beyde have en(de) erve jonch(e)r(e) ph(ilip)s baillet en(de)/ jouffr(ouwe) cecilien vand(er) rivie(re)n zijnd(er) huysvr(ouwe) soe wair/ die gelege(n) sijn hem met brieve(n) van des(er) stadt/ gescreve(n) aende(n) meye(r) van halen oft zijne(n) stadhoude(r)/ tot aetrode alle deselve goede behoirlijck heeft/ doen leve(re)n en(de) den voirs(creven) gehuyssche(n) en(de) hue(re)n wy(n)ne/ dach van rechte te compare(re)n inde banck voir/ meye(r) en(de) scepen(en) van loven(en) doen besceyde(n) oft zij hen/ dair tege(n) hadde(n) wille(n) oppone(re)n Aldair zij op hede(n)/ als ten verstreken(en) daighe nyet gecompareert en zijn/ noch procur(ator) van hue(re)n wege(n) hem dair tege(n) oppone(re)nde/ den voirs(creven) geleydden altijt compare(re)nde en(de) trecht/ voirt versueken(de) Soe hebbe(n) scepen(en) van loven(en) t(er)/ manissen smeyers nae dat hen rescripte pet(er)s/ weers als stadhoude(r) smeyers van hale(n) behoirlijck/ gebleken heeft de voirs(creven) leveri(n)ghe en(de) dach bescey/ dinghe geschiet te sijne gewese(n) voir een vonnesse/ wair de wed(er)p(ar)tie des voirs(creven) geleydd(en) niet en (com)pareert/ ten opstaen(e) smeyers en(de) d(er) scepen(en) datme(n) de(n) selve(n) ge/ leydd(en) houd(en) soude inde mach va(n) sijne(n) beleyde scepen(en)/ br(ieven) en(de) leveri(n)g(en) alsoe v(er)re alst noch voir scep(enen) come(n) es/ In scampno augusti ultima