Want willem pr(oc)ur(eur) als geleydt nae des(er)/ stadt recht voir sijn wettich gebreck uut crachte/ van scepen(en) brieve(n) van loven(en) tot alle(n) den goede(n)/ beyde have en(de) erve peters vaes den jonge(n)/ soe wair die gelege(n) sijn ind(er) stadt van loven(en)/ oft bynne(n) d(er) vriheyt d(er) selv(er) hem met ja(n)ne/ marijsses vorst(er) van des(er) stadt alle deselve/ goede behoirlijck heeft doen leve(re)n en(de) den/ voirs(creven) pete(re)n vaes dach van rechte te compare(re)n/ inde banck voir meye(r) en(de) scepen(en) van loven(en)/ doen besceyden oft hij hem d(air)tege(n) hadde wille(n)/ oppone(re)n Aldair hij op heden als ten v(er)streken(en)/ daighe niet gecompareert en is noch procur(eur)/ van zijne(n) wegen hem d(air)tege(n) oppone(re)nde den/ voirs(creven) geleydden altijt compare(re)nde en(de) trecht/ voirt versueken(de) Soe hebbe(n) scepen(en) van loven(en)/ t(er) manissen smeyers nae dat hen bij cleernisse(n)/ des voirs(creven) vorst(er)s behoirlijck gebleke(n) heeft/ de voirs(creven) leveri(n)ge en(de) dach besceydinge gesciet/ te zijne gewesen voir een vonnesse wair de/ wed(er)p(ar)tie des voirs(creven) geleydde(n) niet en com/ pareert ten opstaene smeyers en(de) d(er) scepen(en) datme(n)/ datme(n) den selve(n) geleydde(n) houd(en) soude inde/ macht van sijne(n) beleyde scepen(en) br(ieven) en(de) leveri(n)g(en)/ alsoe v(er)re alst noch voir scepen(en) come(n) es/ In scampno septembr(is) xiiii