SAL7384, Akte: R°170.2-V°170.1 (301 van 1043)
Akte R°170.2-V°170.1
Act
Datum: 1490-10-13
Transcriptie
2019-02-02 door fernand BERTRANDVand(er) questien gecomen bijden raide vand(er) stadt/
tusschen henr(icke) de ruyssche(re) en(de) goirde vand(er) lynden/
besett(er)s van bierbeke t(er) eenre en(de) everarde de pape/
ende symoene de decke(re) sijne(n) zwag(er) t(er) ande(r) zijden/
Als vanden goeden die deselve houdende en(de)/
besettende wae(re)n ond(er) den bedrive van bierbeke/
van hue(re)n oud(er)s hen verstorve(n) en(de) gedescendeert/
dair van deselve besetters hoepten want sij ov(er)/
xxx jae(re)n ende dagen aldair te schote en(de) te lote/
hadden gestaen dat sij d(air)af mede contribue(re)n soude(n)/
p(rese)nte(re)nde tselve te bewijsen opdats behoefde soe bij
//
levend(er) wairheyt soe bijd(en) registren vand(en) beede(n) va(n)d(en)/ selve(n) dorpe hier voirmaels bijden vord(er)s gehouden/ Dair tege(n) de voirs(creven) wed(er)p(ar)tie sustineerde de contrarie/ ende datmen tselve niet bevi(n)den en soude als/ dat de voirs(creven) vande(n) raide wijsden de voirs(creven)/ bedesett(er)s tot hue(re)n thoene tot eene(n) zeke(re)n gelegen(en)/ daghe den welken zij alsdoen genoech volquame(n)/ van hue(re)n v(er)mete voirs(creven) sustine(re)nde alsoe t(er)/(con)clusien dat sij tot hue(re)n v(er)mete souden comen/ en(de) de voirs(creven) wed(er)p(ar)tie altijt de (contra)rie Es geap/ pointeert en(de) uutgesproken dat de voirs(creven) everardt/ en(de) sijn zwag(er) voirs(creven) contribue(re)n sulle(n) inde beede(n)/ en(de) ande(re) laste(n) vand(en) lande van hue(re)n ongevrijdde(n)/ goede(n) aldair gelijck ande(r) ingeseten(en) vande(n)/ stede(n) sulle(n) moete(n) doen in gelijcken contribut(ien)/ In cons(ili)[o] opidi octobr(is) xiii
//
levend(er) wairheyt soe bijd(en) registren vand(en) beede(n) va(n)d(en)/ selve(n) dorpe hier voirmaels bijden vord(er)s gehouden/ Dair tege(n) de voirs(creven) wed(er)p(ar)tie sustineerde de contrarie/ ende datmen tselve niet bevi(n)den en soude als/ dat de voirs(creven) vande(n) raide wijsden de voirs(creven)/ bedesett(er)s tot hue(re)n thoene tot eene(n) zeke(re)n gelegen(en)/ daghe den welken zij alsdoen genoech volquame(n)/ van hue(re)n v(er)mete voirs(creven) sustine(re)nde alsoe t(er)/(con)clusien dat sij tot hue(re)n v(er)mete souden comen/ en(de) de voirs(creven) wed(er)p(ar)tie altijt de (contra)rie Es geap/ pointeert en(de) uutgesproken dat de voirs(creven) everardt/ en(de) sijn zwag(er) voirs(creven) contribue(re)n sulle(n) inde beede(n)/ en(de) ande(re) laste(n) vand(en) lande van hue(re)n ongevrijdde(n)/ goede(n) aldair gelijck ande(r) ingeseten(en) vande(n)/ stede(n) sulle(n) moete(n) doen in gelijcken contribut(ien)/ In cons(ili)[o] opidi octobr(is) xiii
Nagekeken door: Greet Stevens
Moderator: Greet Stevens
Laatste update:: 2014-09-03 door Dieter Peeters