Nae dien dat gecompareert sijn in tijden voirleden/ voe(r) meye(r) en(de) scepen(en) van loven(en) jan fastraert als geleydt/ totten goeden denijs wijlen woutiers smeets ende/ sijnd(er) werdinne(n) t(er) eenre en(de) pet(er) daneels t(er) and(er)/ zijden geven(de) te kynne(n) deselve jan hoe dat peter/ he(m) en(de) sijne(n) beleyde ongebruick ded(en) van eenen/ wagen en(de) ploech die he(m) en(de) sijne(n) beleyde tot/ sijnd(er) scult behoef sculdich wae(r) te volgen(e) bege(re)nde/ den selve(n) d(air)van ond(er)wesen te hebben(e) als dat he(m)/ alle ongebruick in dien afgedaen werde dair/ tegen de voirs(creven) pet(er) seit en(de) leit in feyte dat hij/ dien wagen en(de) de ploech gecocht hadd(e) sand(er)daighs/ nae s(in)te jacops daighe lestleden tegen de weduwe/ denijs wijlen woutiers voe(r) acht rinssche gulden(en)/ en(de) dat de weduwe t(er) selv(er) tijt he(m) bekinde sculdich/ te sijne vijfthien rinsgulden(en) en(de) dat zij he(m) dien/ wagen en(de) ploech lev(er)de in afslage van dien xv/ rinssche gulden(en) en(de) dat dat geschiet was voe(r)/ dbeleyt des voirs(creven) jans hoepte waer hij dat/ gethoene(n) conste dat de voirs(creven) jan in dien op he(m)/ en(de) de voirs(creven) goed(en) met sijne(n) beleyde verdoelt wae(r)/ als dat scepen(en) gemaent sijnde wesen pete(re)n tot/ sijne(n) thoene den welke(n) hij ten dage d(air)toe genome(n)/ genoech ind(er) manie(re)n voirs(creven) van allen den pointe(n)
//
volquam sluyten(de) alsoe de selve p(ar)tien huer saken/ genoech ten ynde voirs(creven) en(de) hebben alsoe de scepen(en)/ h(ier)op gemaent sijnde bijde(n) meyer gewesen voir/ een vonnesse dat jan fastrart met sijne(n) beleyde/ verdoelt es opde goed(en) d(air) questie af is In scampno/ octobr(is) xix