Item de voirs(creven) jan heeft bekint dat de voirs(creven) so(m)me der/ voirs(creven) rinte(n) compt uut gebreke van wairscape ende/ wettig(er) scult d(air)inne de voirs(creven) jan te hemwerts belanck/ es en(de) dat de voirs(creven) arnoldus sijn gebreck van dien/ oft hij enich hadde voir alsulck sal moege(n) v(er)volgen/ op hem en(de) sijn goede Ende heeft de voirs(creven) arnold(us)/ geconsenteert oft de voirs(creven) jan van sijne(n) goede(n) v(er)coept/ dat deselve arnold(us) die tot sijne(n) goede(n) beleydt es/ trecken(de) de pe(n)ninge(n) in afslage vand(er) schult voirs(creven)/ tselve beleyt sal quijt scelde(n) Ende om dat de voirs(creven)/ jan meynt met rechte te wed(er)staene den last van/ elff stuv(er)s aen jans wijff van scotte(n)putte en(de) de hue(r)/ ende van vijff stuv(er)s aende kinde(re) poelma(n)s dat hem/ dat aende voirs(creven) rinte corten sal zond(er) argelist cor(am)/ eisdem