Vand(er) questien gecomen op heden bijden raide vand(er) stadt/ tusschen janne de naen t(er) eenre en(de) ja(n)ne goethuys met sijne(n)/ medepleg(er)s oudecleercop(er)s t(er) and(er) zijd(en) aengaende zeke(re)n/ goed(en) wesende inden huyse desselfs jans de naen geheete(n)/ den baert toebehoi(r)ende der weduwe(n) mathijs wijlen/ machiels dair van de selve hoepte van sijnd(er) huyshue(re)n/ betaelt te sijne eer die goed(en) van dair sceyden soud(en)/ lopen(de) de selve huyshue(re) t(er) so(m)men van xxv rinssche gulden(en)/ vier stuv(er)s myn d(air)tegen de voirs(creven) jan goethuys met/ sijne(n) consorte(n) kynd(en) genoech deselve goed(en) gecocht te hebben(e)/ na dat de geswoirne stadt scatt(er)s die gescat hadde(n) voe(r)/ een so(m)me van xxvi(½) rinssche gulden(en) die mer op xxiiii rinsguld(en)/ gescat en wae(re)n bijde(n) selve(n) geswoirne scatter(s) p(rese)nte(re)nde hem/ d(air)af genoech te doene bij alsoe sij met eend(er) betalinge(n) gestaen/ mochte(n) en(de) van ande(re)n het wae(re)n geleydd(en) oft ande(re)n creditue(re)n/ ongemoet bleve(n) Es geappointeert dat de voirs(creven) jan en(de) sijn/ consorte(n) den selve(n) ja(n)ne de naen v(er)nuege(n) sulle(n) tussche(n) dit/ en(de) maendaige naistcomen(de) en(de) opde voege de goed(en) moege(n)/ aenverde(n) dwelck deselve jan en(de) sijn consorte(n) ald(air) geloeft/ hebben en(de) heeft deselve jan de naen ald(air) toegeseeght/ en(de) geloeft oft hij sijn hue(r) tonrechte getogen hadde dat/ hij d(air)af altijt ten rechte inne staen wilt tegen eene(n)yege/ lijcken in dien hem rechts vermeten(de) In cons(ili)[o] op(idi)/ nove(m)br(is) xii