Item joes groothoot briede(r) heeft geloeft jacoppe de bourdiau/ sesse en(de) eene(n) halve(n) rinsgulden(en) te xx stuv(er)s tstuck alle/ maenden van nu voirtaene eenen dairaf en(de) t(er) sevenst(er)/ maent den halve(n) d(air)aff te betalen tot dat de voirs(creven) so(m)me/ volbetaelt sal sijn quol(ibe)t ass(ecu)[tu(m)] Met vorwerd(en) oft hij enige(n)/ t(er)mijn liet ov(er)gaen ombetaelt dat al gevalle(n) sal sijn ende/ dit uut saken van zeke(re)n scaerhoute van bossche des voirs(creven)/ jacops geheete(n) le boiz del vaul bij wave(re) gelegen vanden/ leste(n) t(er)mijne(n) van paessche(n) en(de) s(in)te r(e)meysmesse beyde lestled(en)/ die gedroege(n) op beyde de t(er)mijne(n) negen en(de) eene(n) halve(n)/ rinsguld(en) d(air)aen jacop hem gecort heeft vijftich stuv(er)s/ die hij d(air)op gehave(n) heeft ende i(½) ame biers die hij van/ joese gehadt heeft alsoe dat trest dat joes sculdich/ blijft gedraeght de voirs(creven) vi(½) rinsguld(en) Met condicien/ oick vontmen dat joese nyet gecort en wae(r) in al oft/ in deele thalf boend(er) dat min bevonde(n) es ind(er) maten
//
dan xiiii(½) boend(er) die den geheele(n) coep gedroech in/ div(er)sen houwen soe soude den selve(n) joese op tpayment/ en(de) yerste(n) t(er)mijne vande(n) naiste(n) toecomen(de) jae(r) tselve/ half boend(er) geheelijck gecort wordden Ende oft joese/ cortsel van dien halve(n) boende(r) voirmaels gedaen/ wa(r)e soe soude joes den voirs(creven) jacoppe uut saken/ vand(en) voirleden(en) t(er)mijne(n) noch sculdich sijn thien stuv(er)s/ volmaken(de) in dien gevalle zeve(n) rinsguld(en) ta(m)q(uam) ass(ecu)[tu(m)]/ Ende hier mede sijn afgeslage(n) en(de) quijt tusschen/ p(ar)tien alle zwarich(eit) van scad(en) die joes alleg(eer)t van/ voirleden(en) tijden gehadt hebben(de) dat he(m) thout ten tijde/ vand(en) orloghe ontweldicht heeft geweest soe dat hij/ des nyet en heeft moegen gebruycken cor(am) hove burg(imagistr)[o]/ nove(m)br(is) xviii