Nae dien dat comen sijn inde banck voir meye(r) ende/ scepen(en) van loven(en) henrick scoerbroet t(er) eenre ende jouffr(ouwe)/ katlijne coleneers weduwe jans wilen willems/ t(er) ande(r) zijde(n) Aldair de voirs(creven) henrick de voirs(creven)/ weduwe aensprack bege(re)nde afgedaen te hebbe(n) en(de)/ hem gelost te werden(e) van alsulken twee rinssche/ gulden(en) erffelijck aen den heylige(n)geest van s(in)te/ g(er)truyde(n) seggen(de) dat de voirs(creven) weduwe hem/ tselve toegeseeght soude hebben huer d(air)af deylende/ den eedt Op dwelck de voirs(creven) weduwe huer/ v(er)antweerden(de) heeft tselve ontkindt p(rese)nte(re)nde
//
ende ae(n)nemen(de) hue(re)n eedt dairaf te doene als nae/ recht behoi(r)en soude hopen(de) alsoe d(air)af ongehoud(en) te sijne/ Es gewesen t(er) manissen smeyers in alsoe v(er)re de/ voirs(creven) weduwe den eedt dade ind(er) mate(n) zij dien/ gep(rese)nteert hadde te doen(e) ende naed(en) deylen(e) van/ hue(re)r p(ar)tien dat zij der aensprake(n) ongehoud(en) sijn/ soude Acht(er)volgen(de) den welke(n) es op hede(n) gecompareert/ de voirs(creven) weduwe ende heeft hue(re)n eedt gedaen/ als nae recht behoirde inde banck voir meye(r) en(de)/ scepen(en) d(air)op huer wed(er)p(ar)tie dien doende den selve(n)/ niet gecalengiert noch wed(er)leeght en heeft/ hopen(de) alsoe dien volcome(n) te wese(n) huer des/ gedragen(de) totte(n) vonnesse(n) der scepen(en) als dat deselve/ voirts gewesen hebben t(er) manissen smeyers dat zij/ huerts eedts volcome(n) was In scampno nove(m)br(is)/ xxvii