Nae dien jan loomans als man ende momboir katlijne(n)/ cuyp(er)s sijns wijfs ende als poirte(r) van des(er) stadt met/ brieve(n) vand(er) selv(er) stadt gescreve(n) aend(en) schouth(eit) va(n) thurnout/ oft sijne(n) stadhoude(r) heeft doen afscrive(n) alsulken rastame(n)t/ als deselve schouth(eit) oft zijne stadhoude(r) gedaen hadde/ ten versueke marcx stijne(n) van zeke(re)n haeflijcke(n) goed(en)/ desselfs jans loomans oft sijns wijfs t(er) plaetsen van/ thurnout voirs(creven) Soe sijn op heden come(n) in rechte inde/ banck voir meye(r) ende scepen(en) van loven(en) de voirs(creven) marck/ t(er) eenre ende jan loomans t(er) ande(re) Aldair de selve/ marck heeft doen lesen zeke(re) scepen(en) brieve van thurnout/ ban eene(n) halst(er) rocx erfpachts bijd(er) selv(er) katlijne(n) cup(er)s/ ende cornelise vand(er) voirt vercocht den voirs(creven) marck(en)/ op zeke(re) huysinge ende hovi(n)ge d(er) selv(er) wilen de(n) selve(n)/ cornelise ende katlijne(n) toebehoe(re)nde? gelegen inde ott(er)strate/ dair voe(r) deselve marck nad(er) banck(en) recht gevolght/ hadde als voe(r) sijn erfrecht opde goede die dair voe(r)/ naed(er) banck(en) recht wae(re)n verobligeert sustine(re)nde voir/ sijn conclusie want d(er) erflijcheyt aen ginge dat de/ voirs(creven) jan poirt(er) verdoelt was die sake hier te betrecken(e)/ en(de) dat sij sculdich wa(r)e gere(n)voyeert te werdde(n) t(er) banck(en) recht/ Dairtege(n) de poirte(r) de contrarie sustine(re)nde te voirde(r) al/ mocht marck voe(r) den erfpacht volge(n) dat mocht hij/ doen op den erfpant ende nyet sijns wijfs have d(air)voe(r)/ prame(n) met meer woirde(n) Es gewijst bij scepen(en) van/ loven(en) t(er) manissen smeyers dat sij de sake en(de) p(ar)tien/ r(e)voce(re)n t(er) bancke(n) recht van thurnout om d(air)af aldair/ recht te geve(n) en(de) te neme(n) In scampno decembr(is) iiii[ta]