Want her lodewijck van oppendorp prieste(r) religieulx/ inden godshuyse van s(in)te g(er)truyden te loven(en) als geleydt/ nae des(er) stadt recht voir sijn wettich gebreck uut crachte/ van scepen(en) brieve(n) van loven(en) tot allen den goeden beyde/ have en(de) erve jans wilen boeg(aer)t soe wair die gelegen/ sijn hem met eene(n) open(en) placcate van des(er) stadt gescr(even)/ aen alle officie(re)n oft hue(re)n stedehoude(re)n alle deselve/ goed(en) behoirlijck heeft doen leve(re)n ende henricke/ grootheyns ende lijsbette(n) grootheyns zijnd(er) zust(er) weduwe/ jans wile(n) boeg(aer)t voirs(creven) [en(de) derfgename(n) desselfs wijle(n) jans] dach van rechte te compare(re)n/ inde banck voir meye(r) ende scepen(en) van loven(en) doen/ besceyden oft zij hen dair tegen hadden willen/ oppone(re)n Aldair zij op heden als ten verstreken(en)/ daige niet gecompareert en zijn noch procur(eur) van/ hue(re)n wegen hem dair tegen oppone(re)nde den/ voirs(creven) geleydden altijt compare(re)nde ende trecht/ voirt versueken(de) Soe hebben de scepen(en) van loven(en)/ t(er) manissen smeyers nae dat hen bij rappoirte gielis/ eveloeghe des(er) stadt bode behoirlijck gebleke(n) heeft/ de voirs(creven) leveri(n)ghe ende dach besceydinge geschiet/ te sijne bijde meyers van s(in)t aechte(n) rode en(de) bossuyt/ gewesen voir een vonnesse wair de wed(er)p(ar)tie des/ voirs(creven) geleydden niet en compareert ten opstaene/ smeyers en(de) d(er) scepen(en) datme(n) den selve(n) geleydde(n)/ houd(en) soude inde macht van sijne(n) beleyde scep(enen)/ brieve(n) en(de) leveringe(n) alsoe v(er)re alst noch voir scep(enen)/ comen es In scampno decembr(is) ix