Item mathy de chenoit geheten de tombreau/ woenen(de) te chenoit inde p(ro)chie van ottengniez/ heeft geloeft dat hij tegen den rintmeest(er) mijns/ he(re)n van sombreff tallen daigen van rechte compare(re)n/ sal ende tegen hem rechts plegen ende tgewijsde/ voldoen Ende heeft voirts geloeft dat hij hierenbi(n)ne(n)/ sijn goede niet depostue(re)n en sal noch ontvremde(n)/ behalve(n) hem ende sijnd(er) famelien redelijck gebruyck/ ende slijt van eten ende drincken Ende hebben/ hue(re)n dach van rechte geco(n)tinueert ende v(er)lingt/ totten tweesten dingdaghe nae kersmesse naistcomen(de)/ cor(am) lyefkenrode vynck decembr(is) xiiii