It(em) henrick van ijssche sone wijle(n) laureys woenen(de) te he(re)nt/ in p(rese)ntia heeft genome(n) ende bekint genome(n) te hebben tegen/ ja(n)ne van buetsele als procur(eur) jouffr(ouwe) lijsbette(n) van langendonck/ weduwe jans wijle(n) van hondshem zijnd(er) zweg(er) twee boende(re)n/ lants oft dair omtrint alsoe die gelege(n) zijn in div(er)se p(ar)ceele(n)/ ende stucke(n) inde prochie van he(re)nt voirs(creven) der voirs(creven) wed(uwe)/ toebehoiren(de) Te wynne(n) en(de) te werve(n) van halfmerte lestled(en)/ eene(n) t(er)mijn van xii jae(re)n lanc due(re)nde deen nae dander/ zonder middel vervolgen(de) Elcx jairs dae(re)nbynne(n) om ende/ voe(r) vier mudde(n) ende zesse halste(re)n rocx goets en(de) paiabels/ der maten van loeven(e) met wanne ende vede(re)n wel bereit/ sinte andriesmesse apostels te betalen(e) ende te loeven(e) te/ leve(re)n der voirs(creven) weduwe(n) jairlijcx den voirs(creven) t(er)mijn due(re)nde/ opde vorweerde(n) en(de) (con)ditien nabescr(even) Ende yerst es vorweerde/ dat de voirs(creven) henrick de voirs(creven) lande(n) wel ende loffelijck/ wynne(n) ende werve(n) zal gelijc regenoete(n) bove(n) en(de) beneden/ ende die sculdich zijn te mesten van drie jae(re)n te drie/ jae(re)n den voirs(creven) t(er)mijn due(re)nde It(em) es vorweerde dat de/ selve henrick de voirs(creven) lande late(n) sal tzijne(n) afscheyden(en)/ gelijc hij die aenveert heeft tzijne(n) aencome(n) te weten(e)/ brake Ende alle dese vorweerde(n) (et)c(etera) cor(am) hoeve(n) vynck/ decembr(is) xx