Want gheert marget als geleydt nae des(er) stadt/ recht voir sijn wettich gebreck uut crachte van scepen(en)
//
brieve(n) van loven(en) tot allen den goed(en) ond(er) den/ ande(re)n beyde have en(de) erve jans wijle(n) cruyplant/ soe wair die gelegen sijn ind(er) stadt van loven(en) oft/ bynne(n) der vrijheyt d(er) selv(er) hem met joese peysman/ vorste(r) van des(er) stadt Alle deselve goede heeft doe(n)/ leve(re)n en(de) d(er) weduwe(n) en(de) den kinde(re)n desselfs wijle(n)/ jans dach van rechte te compare(re)n inde banck voir/ meye(r) ende scepen(en) van loven(en) doen besceyden oft zij/ hen dair tege(n) hadde(n) willen oppone(re)n Aldair zij op/ heden als ten verstreken(en) daige niet gecompareert/ en zijn noch procur(eur) van hue(re)n wegen hen dair/ tege(n) oppone(re)nde den voirs(creven) geleydden altijt compa/ re(re)nde ende trecht voirt versueken(de) Soe v(er)re dat/ de scepen(en) van loven(en) t(er) manissen smeyers nae dat/ de voirs(creven) vorst(er) behoirlijck gecleert heeft de voirs(creven)/ leveri(n)ge ende dach besceydinge geschiet te zijne hebbe(n)/ gewesen voir een vonnesse Wair de wed(er)p(ar)tie/ des voirs(creven) geleydden niet en compareert ten opstaen(e)/ smeyers ende der scepen(en) datme(n) den selve(n) geleydd(en)/ houd(en) soude inde macht van sijne(n) beleyde scepen(en)/ brieve(n) en(de) leveringe(n) alsoe v(er)re alst noch voir scepen(en)/ come(n) es In scampno decembr(is) xxiii