Vand(er) saken op heden gecome(n) bijde(n) raide vand(er)/ stadt tusschen thomaese hertshals t(er) eenre en(de) lijsbette(n)/ sijnd(er) weerdi(n)nen t(er) ande(re) Als van zeke(re)n huyshue(re)n/ nu te kersmesse verschenen de welke de voirs(creven)
//
lijsbeth hoepte dat de voirs(creven) hue(r) man die soude/ dragen en(de) betale(n) aengesien dat hij deselve laten(de)/ was sittende in ov(er)spele met eend(er) ande(re)n hoewel/ sij die hue(r) mochte gedaen hebben ende oick/ te voirde(r) want hij huer afgenome(n) hadde tselve/ gereet cleede(r) pe(n)ninge(n) ende ande(r) goede die zij/ hebben mochte hem houdende als bove(n) in zijne(n)/ ombequame(n) leven(e) Dair tege(n) de voirs(creven) thomaes/ seyde want zij de voirs(creven) hue(r) gedaen hadde/ en(de) een coopwijff was huer behulpen(de) in coma(n)scapen/ ende anderssins dat zij die hue(r) drage(n) soude/ met meer woirde(n) in wed(er)sijden geallegeert Es/ geappointeert en(de) uutgesproken nae dien dat den/ selve(n) thomaese sijn leven gestraeft es geweest en(de)/ geseeght in alsoe v(er)re hij hem d(air)inne and(er)s niet/ en r(e)guleerde dat de stadt d(air)op versien soude/ ten exemple van ande(re)n en(de) he(m) ande(re)n dat hij/ hem wachte sijne huysvr(ouwe) and(er)s te hante(re)n in/ woirde(n) en(de) wercke(n) oft and(er)ssins dan dat behoirde/ opde correctie vand(er) stadt dat deselve thomaes/ sculdich sal sijn zijn huysvrouwe tontlaste(n) vand(er)/ hue(re)n alsnu te kersmesse lestlede(n) gevallen In cons(ili)[o]/ opidi decembr(is) ultima