Vand(er) aenspraken gedaen bij pete(re)n van malroye/ inde banck voir meye(r) ende scepen(en) van loven(e) op ja(n)ne/ van meldert van gelost te zijne van vier rinsguld(en)/ dair hij voe(r) gesproken hadde en(de) v(er)antwerdt aen/ meeste(re)n henr(icke) vand(er) strate(n) cyrurgijn van dat de/ selve meest(er) henr(ic) gecureert hadde vand(er) pestilentien/ des voirs(creven) jans van meldert werdi(n)ne hopen(de)/ dat deselve jan hem sculdich soude sijn dat te/ doene nae de liefde en(de) vrintscap die hij hem/ inde(n) noode zijnd(er) weerdi(n)nen in dien v(er)antweerd(en)/ bewesen hadde dair tegen deselve jan hem v(er)antw(eer)den(de)/ meynde des ongehouden te zijne want hij den/ selve(n) pete(re)n niet gebede(n) en hadde borge te zijne
//
oick was de cure gebuert voir ende eer hij sijn/ weerdi(n)ne nu sijnde getrouwet hadde Es gewijst/ t(er) manissen smeyers dat deselve jan gehoud(en) sal/ sijn den selve(n) pete(re)n te lossen aen meeste(re)n henr(icke) voirs(creven)/ van des voirs(creven) steet In scampno cor(am) om(n)ib(us) scabinis/ januarii xiii