Aldair voe(r) den raide vand(er) stadt jan vand(er) hulst/ mette(n) tweesten brieve ov(er) hem gescreve(n) aenden meye(r)/ van aerschot gecompareert es tegen henr(icke) van bolle(n)b(er)ge/ die den selve(n) hadde doen innescrive(n) voe(r) tvoldoen/ van eene(n) zeke(re)n v(er)reyken ov(er) hem bij den selve(n) van/ bollenberge gesciet inde banck voir meye(r) ende/ scepen(en) van loven(e) voe(r) de so(m)me van vijftich rinssche/ gulden(en) ende deselve vand(er) hulst geallegeert/ heeft ende gesustineert tselve v(er)reyken machteloes/ van onweerden ende ongefondeert te sijne want
//
hij den voirs(creven) van bollenberge den eedt deylde/ te geven(e) oft selve te houden dat sij voe(r) den dach/ dat tselve v(er)reyken geschiede dwelck was geweest/ op eene(n) sat(er)dach tsamen gesproken hadd(en) ende/ dat zij ov(er)comen wae(re)n met malcande(re)n dat hij/ des donderdaighs dair te vo(r)en gecomen soude/ hebben inde stadt van arschot ende gaen aldair/ bijd(er) stadt van arschot van wiens wege(n) de schult/ d(air)uuyt tvoirs(creven) v(er)reyken gespruyt was en(de) dair/ doen dat redelijck wae(r) ende dat deselve henrick/ bove(n) dien dat hij dat alsoe aengenome(n) hadde/ te acht(er)volgen(e) dair niet comen en was mer was/ gaen des sat(er)daighs d(air)nae gelijck vo(r)e metten/ v(er)reyken voirt vae(re) (contra)rie recht alsoe hij seyde/ Wair bij hij hielt tselve v(er)reyken van onweerd(en)/ dair tegen de voirs(creven) henrick de (contra)rie sustineerde/ te voird(er) want hij vand(en) voirs(creven) oplegge(n) sijne(n)/ eedt ende onschult boedt e(m)mer dat hij met/ voird(er) toegeseeght noch aengenome(n) en hadde/ tot arschot te gaene ten selve(n) daige dan op dat/ hij conste en(de) voe(r) den voirs(creven) sat(er)dach want hij/ dien dach niet en woude laten ov(er)gaen noch v(er)smelte(n)/ sond(er) sijn recht te vervolge(n) soe hij gedaen heeft/ oick exhibeerde henrick een cedulle van eender/ kennessen hem gedaen bij will(em)me vand(er) hofstadt/ ende den voirs(creven) vand(er) hulst dair mede sij bekinde(n)/ van hem ontfange(n) te hebben als borg(er)meest(er) ende/ rintmeest(er) van aerschot xii thensche sacke terwe(n)/ elke(n) sack om drie rinsschegulden(en) ende drie/ stuv(er)s die sij hem geloefden te bamesse doen naistcomen(de)/ te betalen(e) gedateert opten lesten dach april/ a(n)no lxxxix ende gesubsigneert hoeve(n) mits/ den welke(n) hij oick in sterkeniss(en) vande(n) selve(n)/ v(er)reyken ende meerd(er) cleernissen vand(en) wettige(n)/ sculd(en) die sij hem uut saken van dien sculdich/ wae(re)n sustineerde in sijne(n) voirnemen(e) en(de) v(er)reyke(n)
//
wel gefundeert te sijne ende den voirs(creven) vand(er)/ hulst verdoelt Es uutgesproken eve(n)verre de/ voirs(creven) van bollenberge den eedt en(de) onschult/ doet soe hij dien vo(r)e aengenomen en(de) gep(rese)nteert/ heeft dat dan de voirs(creven) vand(er) hulst gehoud(en)/ sal sijn hem sijn schult voirs(creven) te voldoene welke(n)/ eedt ende onschult deselve van bollenberge/ t(er)stont ongecalengiert ende sond(er) wed(er)leggen/ in p(rese)ntien desselfs vand(er) hulst volcomelijck/ dede ende volquam In cons(ili)[o] opidi ip(s)o die/ vener(is) cor(am) h(er)meys sub(stitu)[to] burg(imagis)[tro] pynnock hoeve(n)/ scab(in)is et plu(r)ib(us) aliis de cons(ili)[o] januarii xiiii