Want willem switten als actie ende macht hebben(de)/ vanden brieve ap(ar)t tande(re)n tijden bij wijlen ja(n)ne/ cruyplant cleermake(r) ende ja(n)ne sijne(n) sone bekint/ voir scepen(en) van loven(e) gheerde m(er)ghet geheete(n) ind(en)/ uuyl vand(er) so(m)men van xxx goud(en) rinsgulden(en)/ metgad(er)s de actie vanden beleyde bijden selven/ gheerde geleydt sijnde nae des(er) stadt recht uut/ crachte van scepen(en) brieve(n) van loven(e) tot allen den/ goeden beyde have en(de) erve desselfs wile(n) jans/ en(de) sijns soens Ende oick actie hebben(de) van drie/ rinsgulden(en) lijfpen(sien) bijden voirs(creven) janne cruyplant/ ende sijne(n) sone bekindt voir scepen(en) van loven(e)/ henricke van raveschote ende oick dactie hebben(de)/ vanden beleyde bijden selve(n) henricke nae des(er) stadt/ recht voir sijn wettich gebreck uut crachte vanden/ voirs(creven) scepen(en) brieve van loven(e) van drie rinsguld(en)/ lijfpen(sien) gedaen tot allen den goed(en) beyde have/ en(de) erve desselfs wijle(n) jans cruyplant en(de) sijns soens
//
soe wair die gelegen sijn hem met brieven/ van des(er) stadt gescreve(n) aenden meye(r) va(n) cu(m)ptich/ oft zijne(n) stadhoude(r) te kerckem alle deselve goede/ behoirlijck heeft doen leve(re)n ende d(er) weduwen/ ende derfgename(n) desselfs wijlen jans cruyplant/ en(de) jans sijns soens dach van rechte te compare(re)n/ inde banck voir meyere ende scepen(en) van loven(e) doen/ besceyden oft zij hen dair tegen hadden willen/ oppone(re)n Aldair zij op heden als ten verstreken(en)/ daige niet gecompareert en zijn noch procur(eur) van/ hue(re)n wegen hen dair tegen oppone(re)nde den/ voirs(creven) geleydden altijt compare(re)nde ende trecht/ voirt versueken(de) Soe hebben de scepen(en) van loven(e)/ t(er) manissen smeyers nae dat hen bij rappoirte/ boudewijns bellens des(er) stadt bode behoirlijck gebleke(n)/ heeft de voirs(creven) leveringe ende dach besceydinge/ gesciet te sijne gewesen voir een vonnesse wair/ de wed(er)p(ar)tie des voirs(creven) geleydden niet en comp(ar)eert/ ten opstaene smeyers en(de) d(er) scepen(en) datmen den/ selve(n) geleydden houden soude inde macht van/ sijne(n) beleyde scepen(en) brieve(n) ende leveringe(n) alsoe/ v(er)re alst noch voir scepen(en) comen es In scampno/ januarii xv