Want libertus jacobi als man ende mombour/ juffr(ouwen) johanne(n) [lobbe] sijns wijfs weduwe anthonijs wijle(n)/ lenart geleydt sijnde nae des(er) stadt recht voir sijn/ wettich gebreck uut crachte van scepen(en) brieve(n) van/ loven(e) tot allen den goeden beyde have en(de) erve/ engelbrechts herdinx en(de) jans lombardeal soe wair/ die gelegen sijn hem met eene(n) open(en) placcate van/ des(er) stadt gescreve(n) aen alle(n) officie(re)n oft hue(re)n stede/ houde(re)n alle deselve goede behoirlijck heeft doen/ leve(re)n ende den voirs(creven) engelb(er)de en(de) ja(n)ne dach/ van rechte te compare(re)n inde banck voir meye(r)/ ende scepen(en) van loven(e) doen besceyden oft zij hen/ tegen deselve leveri(n)ge hadd(en) willen oppone(re)n/ Aldair zij op heden als ten verstreken(en) daige/ niet gecompareert en zijn noch procur(eur) van/ hue(re)n wegen hem dair tegen oppone(re)nde den/ voirs(creven) geleydden altijt compare(re)nde en(de) trecht/ voirt versueken(de) Soe hebben de scepen(en) van loven(e)/ t(er) manissen smeyers nae dat hen bij rappoirte/ wout(er)s van boenrode des(er) stadt bode behoirlijck/ gebleken heeft de voirs(creven) leveringe en(de) dach/ besceydinge geschiet te sijne bij de meyers/ van greiz en(de) bouleir gewese(n) voir een vonnesse/ wair de wed(er)p(ar)tie des voirs(creven) geleydd(en) niet en/ compareert ten opstaen(e) smeyers en(de) d(er) scepen(en)/ datmen den selve(n) geleydd(en) houd(en) soude inde macht/ van sijne(n) beleyde scepen(en) brieve(n) en(de) leveri(n)ge(n) alsoe/ v(er)re alst noch voir scep(enen) come(n) es In sca(m)pno januar(ii) xviii