Tusschen de bedesetters van zoerbeempde t(er) eenre/ ende hubrechte noytens t(er) ande(re) gecompareert zijnde/ bijden raide vand(er) stadt tegen malcande(re)n opde/ attemptate bijde selve bedesett(er)s gedaen bove(n) en(de)/ zed(er) p(ar)tien tegen malcande(re)n voe(r) den selve(n) raide/ op hue(re)n thoen gestelt wae(re)n dair de bedesett(er)s tot/ hue(re)n daige niet en compareerd(en) ende hubrecht/ contu(m)acie ov(er) hem accuseerde nemelijck van dat/ deselve bedesett(er)s bove(n) der selv(er) litiscontestacien/ wed(er) op een nyeuwe den selve(n) hubrecht(en) afgepant/ soud(en) hebben een sijn peert Es uuytgesproken dat/ deselve bedesett(er)s alle deselve attemptate afdoen/ sullen gebuert zed(er)t den voirs(creven) thoendach ende/ dat p(ar)tien onv(er)let sullen staen in weerzijd(en) alnoch/ op hue(re)n voirs(creven) thoen om die te leyden op van in/ vrijdaighe naistcomen(de) in acht daigen te mistijde/ gelijck sij die hadd(en) moegen leyden op hue(re)n voirs(creven)/ yersten gesetten dach van thoene In cons(ili)[o] opidi/ januarii xix