Aldair voe(r) den borg(er)meeste(r) arnde vand(en) hove en(de)/ e(n)nige vand(en) raide tegen malcande(re)n compareerden/ engelbert egnoy die uuyt gevonneste scepen(en) brieve(n)/ van loven(e) hadde doen houd(en) jenne van salme(n) t(er)/ eenre ende deselve je(n)nijn en(de) met hem huge van/ udekem lieuten(ant) mijns hee(re)n smeyers van loven(e)/ ende jan de putte(re) vorste(r) die last hadde soe/ engelbert seyde den selve(n) je(n)nijn stedevast sond(er)/ op vroentrechte te laten gaen in sijnre hachten/ te houd(en) t(er) ande(re) Aldair deselve engelbert versocht/ den selve(n) je(n)nijn stedevaste in hachten te hebbe(n) sond(er)/ lang(er) dylay uutsedt oft op e(n)nich vroentrecht en(de)/ statute(n) dairaf wesen(de) soe hij meyndt behoirde/ te voird(er) want wat menichfuldige uuytstelle/ h(ier)inne bij ond(er)wijse vand(en) voirs(creven) borg(er)meest(er) de(n) selve(n)/ je(n)nijn h(ier)inne geboert mocht(e) sijn hij engelbert en/ hadde tot gheene(n) ynde conne(n) geraken Dair tege(n)/ de voirs(creven) je(n)nijn t(er) (contra)rien allege(re)nde en(de) nemelijck/ meynde de voirs(creven) scepen(en) brieve(n) des voirs(creven) engelb(er)ts/ te wed(er)leggen(e) e(m)mer in dien dat hij nae alle/ gelegentheyt der saken d(air)uuyt de schult spruyten(de)/ quam gestaen soude met lichten gelde en(de) alsoe/ en meynde hij nyet derve(n) stedevast inde/ vroente te gaene dat en soude beslicht sijn/ met meer woird(en) in wed(er)zijd(en) bij partien/ geallegeert Es p(ar)tien gecleert en(de) uutgesproken/ dat deselve je(n)nijn acht(er)volgen(de) den scepen(en) brieve(n)/ voirs(creven) gehoud(en) soude sijn ind(er) vroenten te gaene/ op dats engelbert hem niet verdrage(n) en woude
//
sond(er) op vroentrecht sond(er) op desselfs engelberts/ consente te moegen gaen Ende aengaende der/ q(ue)stien voirs(creven) setten sij p(ar)tien inde banck voir meye(r)/ ende scepen(en) van loven(e) dair de scepen(en) br(ieven) behoird(en)/ bege(re)nde nochtan de wethoude(re)n aend(en) selve(n) engelb(er)t?/ opdat he(m) geliefde den selve(n) je(n)nijn de dagelijcxsche/ vroente te willen verdragen die dat niet en/ accepteerde noch d(air)inne en consenteerde mits/ den menichfuldige(n) ontsette voirs(creven) In cons(ili)[o]/ opidi januarii xxvii