Vand(er) questien geport voe(r) den raide vand(er) stadt tussche(n)/ olyvie(r) nottaer die alhier hadde doen raste(re)n goessen(e)/ de culot will(em)me de haze en(de) stasse wynne jans va(n)d(en)/ kerchove alle drie van bevekem t(er) eenre en(de) deselve/ drie gevangen(en) ind(en) name vand(en) selve(n) dorpe va(n) beveke(m)/ t(er) ande(re) Aldair deselve olyvier te kenne(n) gaff hoe hij/ inden somer lestleden te rechte betogen hadde te duerne/ den meye(r) ende scepen(en) van duerne ende van beveke(m)/ voirs(creven) alse van dat sij en(de) de gemeyne ingeseten(en) va(n)d(en)/ selve(n) dorpen hem hadden doen logie(re)n zeke(re) luden/ mijns hee(re)n van tyntiviele t(er) bewairnissen va(n)d(en) selve(n)/ dorpe(n) en(de) opten selve(n) dach alse hij olyvier deselve/ p(er)sone(n) te weten(e) meye(r) en(de) scepen(en) te rechte betoge(n) hadde/ gelijck vo(r)e dat hij olyvier t(er) p(rese)ntien vand(er) selv(er) wet/ en(de) gemeyne(n) [ingeseten(en)] doen t(er)tijt d(air)bij wesen(de) sijn rekeni(n)ge dede/ metten selve(n) wethoude(re)n ende dat tgheene desmen/ hem sculdich was bevonde(n) was gedragen(en) t(er) so(m)me(n)/ van drie en(de) vijftich rinsgulden(en) en(de) dat deselve wet/ houd(er)s en(de) gemeynte hem alsdoen d(air)aff geloefd(en) te/ betalen(e) de so(m)me van xlvi rinsgulden(en) e(m)mer bynne(n)/ acht daige(n) doen naistcomen(de) ende dat dat gebuerde/ nae dat de voirspreke des voirs(creven) olyviers bereet/ was oft begonne(n) hadde sijn aensprake te doene/ ende dat de sake alsoe uute(n) rechte getoge(n) werdt/ o(m)me de voirs(creven) rekeni(n)ge te doene gelijck vo(r)e/ dese pointe(n) oft zij hem ontkindt werdd(en) p(rese)nteerde/ hij te thoene(n) tege(n) dwelck de voirs(creven) wed(er)p(ar)tie he(m)/ v(er)antw(er)den(de) p(rese)nteerde te thoene(n) hoes dese sake alnoc(h)/ hinck ombeslicht in rechte te duerne voirs(creven) en(de)/ alsoe genoech ontkennen(de) olyviers bijlegge(n) sijn/ beyde p(ar)tien voirs(creven) gewijst tot hue(re)n thoene dair de/ voirs(creven) olyvier ten daige d(air)toe bij beyde p(ar)tien genome(n)
//
genoech volqua(m) int geheele sijns v(er)meets voirs(creven) in/ allen pointen en(de) sijne wed(er)p(ar)tie voirs(creven) en leyde met/ allen egheene(n) thoene ten selve(n) daige noch oick op/ ande(r) vervolgen(de) daige(n) mair uut(er)lijck sustineerde/ voirde(r) dan sij voe(r) hadd(en) gedaen dat olyvier op/ hen als p(ar)ticulier p(er)sone(n) wonen(de) te beveke(m) voirs(creven)/ verdoelt wae(re)n de geheele so(m)me die hem de/ dorpen sculdich mochte(n) sijn te willen v(er)halen/ en(de) voirde(r) dan hen paert Ende oick want sij/ hielden dat die van bevekem dair ond(er) sij/ woenachtich wae(re)n van dien hue(r) hellicht/ en(de) paert betaelt hadde(n) dwelck deselve olyvier/ hen ontkynde en(de) en meynde niet al wairt soe/ des neen dat sij met e(n)nige(n) paerte oft de hellicht/ nae de geloefte die de dorpen voirs(creven) hem gelijck/ vo(r)e d(air)af gedaen hadd(en) Es uutgesproken bijd(en)/ raide vand(er) stadt dat deselve gehoude(n) sullen/ sijn des voirs(creven) olyviers moet te hebben vand(en) voirs(creven)/ xlvi rinsgulden(en) soe v(er)re men hem d(air)af noch/ tacht(er) es ende soe vele te doene dat hij dairaff/ gecontenteert werdde nae dat de wairheyt/ gedrage(n) heeft ende hebben sij voirt gebreck aen/ die vande(n) dorpe dewelck(en) dese schult sculdich/ moege(n) sijn dat sij dat voirt volge(n) moege(n) aende/ selve vand(en) dorpe dair ende soe dat behoirt/ In cons(ili)[o] opidi p(rese)nt(ibus) hove burg(imagistr)[o] duffle hoeve(n)/ scab(in)is et plu(r)ib(us) aliis de cons(ili)[o] januarii xxix