Nae dien dat peter bohon met behoirlijcke(n) raste/ mente(n) heeft doen vervolge(n) seke(r) sijn schult gedragen(de)/ vijff en(de) twintich rinssche gulden(en) eens op zeke(re) pe(n)ni(n)ge(n)/ toebehoiren(de) hee(re)n ja(n)ne van crehain wesen(de) in hand(en)/ jans weert inde(n) pellicaen opde vischmerct/ en(de) de behoirlijcke conde hadde doen doen/ gelijck dat gebleken heeft behoirlijck nae recht/ bij cleernissen giel(ijs) de vos vorste(r) ende de voirs(creven)/ pet(er) bohon t(er) manissen smeyers en(de) wijsdom/ d(er) scepen(en) zijn schult geve(r)ificeert heeft te weten(e)/ twintich rinssche gulden(en) voe(r) scepen(en) van des(er)/ stadt he(m) gelooft en(de) vijff rinssche gulden(en) van geleende(n)/ gelde sond(er) cost en(de) co(m)me(r) versueken(de) alsoe trecht/ ald(air) de voirs(creven) wed(er)p(ar)tie niet en compareerde/ Es gewesen t(er) manissen smeyers dat de voirs(creven)/ peter zijn geve(r)ificeerde schult met coste en(de) co(m)me(r)/ aende geresteerde pe(n)ni(n)gen verhalen sall/ ov(er)t d(air)yet dat hijt wed(er)ke(re)n sal en(de) oft dair/ gebrect dat hij tselve volge(n) sal nae recht/ In scampno februarii xii