Nae dien dat op heden bijden raide va(n)d(er)/ stadt es gecompareert peet(er) van dormale/ als procur(ator) des goidshuys van tsertoghe(n) dale
//
bege(re)nde ende versueken(de) dat hem voirtaene/ soude moege(n) volgen en(de) gebruyck gescien van/ alsulke(n) brieve(n) liggen(de) ond(er) wet alhier in eene/ doose van thien pet(er)s erffelijck op zeke(re) goede/ inde prochie van scarebeke oft d(air)omtr(int) geleg(en)/ Dair inne jouffr(ouwe) berbele wijlen colfs religieuse/ als zij leefde des goidshuys vand(er) came(re)n bij/ bruessele theffen inne hadde ende alsnu mits/ huer(er) afflivicheyt navolgen(de) zeke(re) besceyde(n)/ d(air)af wesen(de) op tvoirs(creven) goidshuys van tsh(er)toge(n)/ dale de selve rinte verschene(n) was p(rese)nte(re)nde/ hue(re) aflivich(eyt) te bewijsen bij zeke(re) p(er)soenen/ die dairaf wisten te spreken te weten(e) joese/ van oirbeke en(de) jan de sprenghe(re) de welke/ genoech gecleert hebbe(n) daflivich(eyt) der zelv(er)/ jouffr(ouwe) berbelen gesciet te zijne bijde(n) gedonghe?/ goids voir paessche(n) lestlede(n) en(de) dair te vo(r)en/ Es also uutgesproke(n) ende gesonsenteert/ den voirs(creven) procur(ator) dat hem inde(n) name/ vanden goidshuyse de voirs(creven) brieve sulle(n)/ moegen volghen en(de) tgebruyck van dien/ om die te heffen en(de) te gebruycke(n) nae den/ besceyde d(air)af wesen(de) en(de) der borchtochte(n) bijden/ selve(n) goidsh(uys) tande(re)n tijden alhier gedaen behalve(n)/ eene(n) yegelijck(en) and(er)s zijne(n) goeden rechte In cons(ili)[o]/ opidi julii xiii