Want gielijs van cortbeke en(de) mathijs van tuydekem/ als executeurs vande(n) testame(n)te en(de) uuyt(er)sten wille/ everarts wijle(n) marchant die in sijne(n) leven(e)/ geleydt was nae des(er) stadt recht voir sijn/ wettich gebreck uut crachte van scepen(en) brieve(n)/ van loven(e) tot allen den goed(en) beyde have en(de)/ erve jans wijle(n) de branchon en(de) jans de vypont/ soe wair die gelegen sijn hen met brieve(n) van/ des(er) stadt gescreve(n) aende(n) meye(r) van lymale/ oft zijne(n) stadhoude(r) Alle deselve goede behoirlijck/ hebben doen leve(re)n ende der weduwen des voirs(creven)/ wijle(n) jans en(de) nut(er)tijt hue(re)n tegewoirdig(en) man/ en(de) den voirs(creven) vypont dach van rechte te compare(re)n/ inde banck voir meye(r) en(de) scepen(en) van loven(e) doen/ besceyden oft zij hen tegen deselve leveringe hadd(en)/ willen oppone(re)n Aldair zij op heden als ten/ verstreken(en) daige nyet gecompareert en zijn/ noch oick procur(eur) van hue(re)n wege(n) de voirs(creven)/ executeurs ind(en) name als bove(n) altijt compa/ rerende en(de) trecht voirt versueken(de) soe v(er)re/ dat de scepen(en) van loven(e) t(er) manissen smeyers/ nae dat hen bij rappoirte jans vande(n) bossche/ des(er) stadt bode behoirlijck gebleken heeft de/ voirs(creven) leveringe en(de) dach besceydinge gesciet/ te zijne gewesen hebben voir een vonnesse/ Wair de wed(er)p(ar)tie des voirs(creven) executeurs/ niet en compareert ten opstaen(e) smeyers en(de)/ d(er) scepen(en) datmen de selve executeurs houd(en)/ soude inde macht van hue(re)n beleyde scepen(en)/ brieve(n) en(de) leveringe(n) alsoe v(er)re alst noch voir/ scepen(en) come(n) es In scampno februarii xvii