Nae dien dat op heden bijden raide vand(er) stadt/ sijn gecompareert lijsbeth werdi(n)ne arnts van vlasselair/ woenen(de) inde cortstrate t(er) eenre ende her henrick/ ydeletten prieste(r) t(er) ande(r) zijden aengaende zekerd(er)/ huyshue(re)n die deselve lijsbeth he(re)n henricke en(de)/ willem(me) van lele zijne(n) borghe eysschen(de) was van/ zeke(re)n goede toebehoiren(de) janne ydeletten brued(er)/ des voirs(creven) he(re)n henricx dwelck een zeke(r) wijle/ tijts tot hue(re)n huyse geweest hadde en(de) noch es/ dairaf de voirs(creven) p(ar)tien tande(re)n tijden bijd(en) raide/ vand(er) stadt hadden geweest sustine(re)nde t(er) (contra)rien/ de voirs(creven) her henr(ick) inden name van hem/ en(de) sijne(n) borghe voirs(creven) dat sij op hem in desen/ niet en hadde te volgen noch zijne(n) borghe/ mair op de voirs(creven) goede bynne(n) hue(re)n platen/ noch sijnde oft zijne(n) brued(er) voirs(creven) soe verre/ zij in enige huyshue(r) meynde gericht te zijne/ te voirde(r) want hij huer niet geloeft en hadde/ Es verclairt bijd(en) wethoude(re)n als op heden/ dat hier voirmaels in des(er) saken partien geap/ pointeert en(de) uutgesproken es geweest dat de/ voirs(creven) lijsbeth in desen volgen soude de voirs(creven)/ goede oft des voirs(creven) he(re)n henricx brued(er) ind(er)/ maten voirs(creven) van des zij hoepte nae recht/ aen hem te v(er)halen ende dat de voirs(creven) her/ henrick ende sijn borghe ombelast soud(en) blive(n)
//
Bij welker uutspraken de voirs(creven) wethoud(er)s/ bleve(n) sijn om bij p(ar)tien geacht(er)volght te wordde(n)/ In consilio opidi februarii xviii