Want jouffr(ouwe) katlijne vand(er) eycken weduwe/ meest(er)s jans wijle(n) van duysborch als geleydt/ nae des(er) stadt recht voir huer wettich gebreck/ uut crachte van scepen(en) brieve(n) van loven(e) tot/ allen den goeden beyde have en(de) erve jans/ vand(er) nat soe wair die gelegen sijn huer met/ brieve(n) van des(er) stadt gescreve(n) aende(n) meye(r)/ van libbeke oft zijne(n) stadhoude(r) alle deselve/ goede behoirlijck heeft doen leve(re)n ende de(n) selve(n)/ ja(n)ne vand(er) nat en(de) sijne(n) wynne dach van/ rechte te compare(re)n inde banck voir meye(r) en(de)/ scepen(en) van loven(e) doen besceyden oft zij hen/ tege(n) deselve leveringe hadd(en) willen oppone(re)n/ Aldair zij op heden als ten verstreken(en) daige/ nyet gecompareert en zijn noch procur(eur) van/ hue(re)n wegen de voirs(creven) jouffr(ouwe) katlijne altijt/ compare(re)nde en(de) trecht voirt versueken(de) Soe/ hebben de scepen(en) van loven(e) t(er) manissen smeyers/ nae dat hem bij rescripte anthonijs van wynge/ smeyers van libbeke gebleken heeft de voirs(creven)/ leveringe en(de) dach besceydinge gesciet te sijne/ gewesen voir een vonnesse wair de wed(er)p(ar)tie/ d(er) voirs(creven) geleydd(er) niet en compareert ten opstaen(e)/ smeyers en(de) d(er) scepen(en) datme(n) der selv(er) geleydd(er) houd(en)/ soude inde macht van hue(re)n beleyde scep(enen) brieve(n)/ en(de) leveringe(n) alsoe verre alst noch voir scepen(en)/ come(n) es In scampno martii x