Item adam del vacherie woenen(de) te hese in p(rese)ntia/ heeft genome(n) en(de) bekindt genome(n) te hebben(e) van/ maha del vacherie weduwe jamairts wijlen
//
de hese sust(er) des voirs(creven) adams thoff der selv(er)/ weduwen gelegen te grave metten huysen hove/ stallen boeg(ar)den wynnen(de) lande(n) beempde(n) bossche(n)/ eeusselen ende alle ande(re)n zijne(n) toebehoirte(n) Te/ houden te hebben en(de) te wynne(n) van halfmerte/ naistcomen(de) eene(n) t(er)mijn van twelf jae(re)n deen/ nae dande(r) sond(er) middel vervolgen(de) Elcx jairs/ dairenbynne(n) om ende voe(r) drie mudd(en) corens/ een mudde tarwen een halst(er) erweyten en(de) eene(n)/ halst(er) boene(n) al mate van loven(e) pag(abilis) cu(m) va(n)no/ Alle jae(re) s(in)te andriesmesse apostels te betalen(e)/ en(de) te grave te leve(re)n der selv(er) weduwe(n) quolibet/ ass(ecutu)[m] Behalve(n) dat de wynne vand(en) yersten/ t(er)mijne te weten(e) s(in)te andriesmesse nu naistcomen(de)/ d(er) voirs(creven) weduwen egheene(n) pacht gheve(n) en/ sal It(em) de voirs(creven) wynne sal jairlijcx zijne(n) voirs(creven)/ t(er)mijn due(re)nde d(er) voirs(creven) maha moeten gereet/ ende wel bereyt leve(re)n sond(er) hue(re)n cost vand(en)/ lande die hij besaeyen soude om een halster/ lijsaets te sayen tot hue(re)n behoef dwelck de voirs(creven)/ maha sculdich sal sijn de(n) selve(n) te leve(re)n Ende/ alle dese vorw(er)dd(en) (et)c(etera) cor(am) hoeve(n) buetsele martii xii