Want bartelmeeus vand(er) elst al(ia)s vand(er) velde als/ procur(eur) des goidshuys van vrouwe(n)p(er)cke en(de) pauwels/ oliviers die oick als procur(eur) desselfs goidshuys/ h(ier)voirmaels geleydt sijnde nae des(er) stadt recht/ voir sijn wettich gebreck uut crachte van scepen(en)/ brieve(n) van loven(e) tot allen den goeden beyde/ have en(de) erve lijsbette(n) sveren weduwe pet(er)s wile(n)/ dillen soe wair die gelegen sijn hem met brieve(n)/ van des(er) stadt gescreve(n) aende(n) drossete van rotselair/ oft zijne(n) stadhoude(r) alle deselve goede behoirlijck/ heeft doen leve(re)n ende de conde ten huyse d(er)/ voirs(creven) lijsbette(n) en(de) ottens van scho(r)e huers tegewoir/ dichs mans want sij vluchtich sijn geweest heeft/ doen doen om te compare(re)n inde banck voir/ meye(r) en(de) scepen(en) van loven(e) oft zij oft yemant/ and(er)s hen tege(n) deselve leveri(n)ge hadd(en) wille(n)/ oppone(re)n Aldair zij op heden oft yemant and(er)s
//
als ten verstreken(en) daige nyet gecompareert/ en zijn noch oick procur(eur) van hue(re)n wegen/ de voirs(creven) bartelmeeus als procur(eur) voirs(creven) altijt/ compare(re)nde en(de) trecht voirt versueken(de)/ Soe v(er)re dat de scepen(en) van loven(e) t(er) maniss(en)/ smeyers nae dat hen bij rappoirte en(de) cleerniss(en)/ giel(is) eveloghe d(er) stadt bode behoirlijck gebleke(n)/ heeft de voirs(creven) leveri(n)ge en(de) de conde ten huyse/ der voirs(creven) gehuyssche(n) gedaen en(de) gesciet te sijne/ gewesen hebbe(n) voir een vonnesse wair de/ wed(er)p(ar)tie va(n)d(en) voirs(creven) procur(eur) nyet en compareert/ ten opstaene smeyers en(de) d(er) scepen(en) datme(n) de(n)/ selve(n) procur(eur) houd(en) soude inde macht van/ sijne(n) beleyde scepen(en) brieve(n) en(de) leveri(n)ge(n) alsoe/ verre alst noch voir scepen(en) comen es In scampno/ martii xxii