Vand(en) versueck(e) gedaen bij mychiele derveau als porte(r)/ van des(er) stadt opden meye(re) vand(er) hulpe(n) om costeloes/ gerestitueert te hebben navolgen(de) drie versueckbr(ieven)/ vand(er) stadt dairaff aend(en) selve(n) meye(re) gescr(even) een/ merie den selve(n) poirte(r) toebehoiren(de) ende bijd(en) voirs(creven)/ meye(re) afgepant te voirde(r) want hij was bereet den/ meye(re) voirs(creven) tantw(er)d(en) op alsulk(en) eysch als hij op he(m)/ soude willen doen t(er) plaetsen dair dat navolgen(de)/ sijnd(er) porterien recht behoirde Dwelck was inde/ banck voir meye(re) ende scepen(en) van loven(e) ende/ tgewijsde te voldoene dairop de meye(r) sustineerde/ ger(en)voyeert te wordd(en) ende dat de kynnesse behoirde/ van des(en) inde banck t(er) hulpen d(air)ond(er) dat gebuert/ was te voird(er) want hij boot te bewijsen twee pointe(n)/ deen dat de poirt(er) van des(en) in calangien gestek(en)/ was voir ende eer hij de vrijheyd(en) vand(er) porterien/ aengenome(n) hadde Ten ande(re)n male al hadde hij/ poirte(r) geweest des neen soe hadde hij nochtan ind(er)/ gelueften dairaff bij he(m) gedaen ger(e)nu(n)cieert sijnd(er)/ porterien Dair tegen de poirte(r) dat ontkynnen(de)/ beg(er)de ende versocht de kynnesse van des(en) te come(n)/ inde banck voir meye(re) ende scepen(en) van loven(e) en(de)/ dat hij t(er) stont voir al gerestitueert soude wordd(en)/ costeloes van sijnd(er) beesten soe dat hij ongepant/ te hove comen mochte Es geappointeert dat/ den poirte(re) t(er)stont costeloes restitucie gebue(re)n sall/ van sijnd(er) beesten op cautie juratoir die hij in/ smeyers hande(n) doen sal om h(ier)aff rechts te plege(n)/ t(er) plaetsen d(air)men bevi(n)den sal dat behoirt ende/ tgewijsde te voldoen(e) Ende dat vand(en) versueck/ van re(n)voye wed(er) dat sculdich es te gescieden/ oft nyet partien compare(re)n sullen op in dond(er)daige/ naistcomen(de) inde banck voir meye(re) en(de) scep(enen) va(n) loven(e)/ en(de) trecht in dien ald(air) v(er)wachte(n) en(de) h(ier)op sal v(er)smelte(n) de/ clachte die de poirte(r) opde(n) meye(re) ged(aen) heeft cor(am) hove burg(imagistr)[o]/ pulle (con)s(iliari)[o] et plu(r)ib(us) aliis aprilis viii