Vand(er) questien gecomen voir meye(r) ende scepen(en) van/ loven(e) tusschen janne van oevele en(de) sijne(n) medeplege(r)/ t(er) eenre en(de) henr(icke) bilien dien deselve jan beclaeght/ hadde t(er) ande(r) zijd(en) Aldair de voirs(creven) jan te kenne(n)/ gaff hoe dat hier voirmaels de voirs(creven) henr(ick) bilien/ tegen hem en(de) zijne(n) voirs(creven) medeplege(r) gecocht hadde/ zeke(re) wijne(n) t(er) so(m)men van vijftich amen geloven(de)/ dair van de vate(n) d(air)inne deselve wijne inne wae(re)n/ den voirs(creven) v(er)coep(er)s wed(er) te geven(e) Dwelck hij nyet/ gedaen en hadde ende opdat de voirs(creven) henrick dat/ ontki(n)nen woude soe gave(n) zij hem dat tot gode/ ende ten heyligen oft de voirs(creven) jan p(rese)nteerde dat/ selve te doen(e) seggen(de) deselve jan in alsoe verre/ de voirs(creven) henrick dien eedt niet en dade en(de) de/ voirs(creven) jan dien volquame dat hij hem voir de/ voirs(creven) vaten betalen soud(e) acht rinssche gulden(en)/ oft alsoe vele als goede ma(n)nen die taxe(re)n soude(n)/ hen des verstaen(de) Dair tegen de voirs(creven) henrick/ compare(re)nde bij willem(me) van lele als procur(eur) in/ zijne(n) name soe heeft deselve procur(eur) begheert dach/ om d(air)op te antweerden(e) ende om met zijne(n) meest(er)/ in desen te beraden Dwelck de voirs(creven) wed(er)p(ar)tie/ t(er) stont gescudt heeft seggen(de) want op heden was/ een vry jairgedinge ons genad(ichs) he(re)n en(de) op richten(en)/ dach dat hij sculdich soude sijn nad(en) oude(n) ond(er)houden(e)/ van rechte selve in p(er)soene tantweerden(e) oft d(air)van/ v(er)steken te zijne Dair tegen de voirs(creven) wed(er)p(ar)tie/ sustineerde de (contra)rie (et)c(etera) Es gewesen t(er) manissen/ smeyers bijde(n) scepen(en) in alsoe v(er)re de voirs(creven)/ henr(ick) bilien niet en antweerde selve in p(er)soene/ voe(r) den opstaene smeyers en(de) d(er) scepen(en) opde/ aensprake en(de) conclusien van sijnd(er) wed(er)p(ar)tien/ dat de selve sijn wed(er)p(ar)tie hem van zijne(n) eyssche/ voirs(creven) verreyct soude hebben t(er) taxatien ende/ estimatien altijt vand(en) vaten dair questie aff es/ van goede(n) ma(n)nen hen des verstaen(de) In sca(m)pno/ aprilis xii