Item mag(iste)r robertus virili renu(n)c(ians) heeft geloeft/ inne te staene jouffr(ouwen) m(ar)griete(n) wittema(n)s weduwe/ joes wijle(n) absoloens van alsulken twee en(de) dertich/ rinsgulden(en) te xx stuv(er)s tstuck als deselve weduwe/ tot behoef van gregorio bode van rijssele alhier/ ond(er) wet gestelt heeft m(ar)tii penultima a(n)no xc om/ die den selve(n) bode gegeve(n) te wordden(e) oft sijn actie/ hebben(de) in alsoe v(er)re deselve weduwe behoirlike/ quitan(cie) hadde vand(en) meest(er)ssen dair joes hue(r) zone/ gewoent hadde ind(er) stadt van rijssele als voir sijn/ montcosten ende op alsoe deselve dese pe(n)ni(n)g(en) trecken(de)/ stelle(n) soude borchtocht van weerlike(n) p(er)soene(n) bynne(n)/ der stadt geseten van met eend(er) betalinge(n) te gestaene/ en(de) wes cost oft last zij d(air)om hadde oft soude moege(n)/ hebben dat zij die aend(en) selve(n) borg(en) verhale(n) soude/ moege(n) Dwelck de voirs(creven) meest(er) robertus geloeft en(de)/ bekint heeft mits desen ind(er) manie(re)n voirs(creven) en(de)/ deselve pe(n)ni(n)g(en) oick ontfange(n) te hebben(e) Inde est/ fideiussor mag(iste)r renerus de lyefke(n)rode opde voirw(er)d(en)/ en(de) manie(re)n voirs(creven) Et p(ri)mus cor(am) kersmake(re) buets(ele)/ aprilis xiii