Nae dien jan van buetsele der wet heeft doen blijcke(n)/ bij secretar(is) en(de) cornelise reyns bode van des(er) stadt/ div(er)se brieve(n) gesonde(n) te hebben aende stadt van nyvele/ ten ynde ende in wairscouwing(en) dat zij alsulke(n) wijne(n)/ als zij te zijne(n)t liggen(de) hadden vand(en) tijde vand(en) orlogen/ quame(n) halen oft and(er)ssins deden als hue(re)n raidt/ gedrage(n) soude Met intimatien oft zij des nyet/ en daden want dien gescapen was uut te loepe(n)/ ende genoech verdorve(n) was dat hij dien om gode/ geve(n) soude oft vercoepe(n) ten naisten dat hij soude/ co(n)nen en(de) moegen d(air)aen deselve van nyvele hen/ nyet en hebben willen stoeten ind(er) maten deselve/ bode dat naird(er) gecleert heeft Es geordineert/ bijd(er) selv(er) wet dat deselve jan dien sal moege(n)/ v(er)coepen Nemen(de) d(air)aff sgheens datmen te hemw(er)t/ d(air)aff belanck soude moege(n) wesen behalve(n) oft dair/ ov(er)de dat hij dat sal moege(n) wed(er)ke(re)n den selve(n)/ van nyvele oft om gode geve(n) in alsoe v(er)re zij/ he(n) d(air) niet aen en souden willen stoeten soe zij tot/ h(ier)toe en hebben willen doen In cons(ili)[o] opidi april(is)/ xiii