Vand(er) questien gecomen bijd(en) raide vand(er) stadt tussche(n)/ pete(re)n boene als geleydt uut crachte van scepen(en) br(ieven) van/ loven(e) totte(n) goed(en) emonds wijle(n) vand(en) hoevelde t(er) eenre/ ende symoen(en) vand(en) hoevelde t(er) ande(re) aengaende/ eene(n) beempt houden(de) drie en(de) een half dach(mael) oft/ d(air)omtr(int) gelege(n) ond(er) wiltsele bij tholsbekerbroeck de(n)/ selve(n) wijle(n) emonde voirmaels toebehoiren(de) den/ welke(n) de voirs(creven) symoen tege(n) hem gecocht hadde/ ende d(air)inne gegoedt was p(re)tende(re)nde de voirs(creven)/ peet(er) want sijn beleyt oud(er) was dan de guedi(n)ge/ des voirs(creven) symoens dat hij sijn wettige schult op/ behoirlike ve(r)ificatie d(air)aen verhale(n) soude dwelck/ de voirs(creven) symoen gescudt heeft en(de) in dien gesustineert/ aengesien dat hij d(air)inne grootelijck bedrogen soude/ sijn want hij den selve(n) beempt wel en(de) dueghdelick/ betaelt hadde en(de) oick afgeleeght twee pet(er)s erff(elijck)/ d(air)op hem dien onder dande(re) gewarandeert was/ aende mi(n)d(er)brued(er)s van loven(e) Ten ande(re)n male/ dat de voirs(creven) peet(er) sijn beleyt ov(er)lang hadde late(n)/ stille staen ind(en) leven(e) desselfs emonds die sijn/ enige docht(er) getrout hadde en(de) alsoe bellix hem/ uut sijne(n) gecochte(n) goed(en) nu niet en soude(n) conne(n)
//
gestoote(n) ende ten derden want dair noch ande(r) goed(en)/ wae(re)n als have en(de) ande(re) d(air)aen hij sijn schult mochte/ v(er)hale(n) Soe hoepte deselve dat hij mette(n) voirs(creven) zijne(n)/ beleyde en(de) sijne(n) voirnemen(en) in dien opde(n) voirs(creven)/ beempt v(er)doelt soude sijn ind(er) mate(n) dese sake voir/ meye(r) en(de) scepen(en) bedingt hadde geweest en(de) bijden/ selve(n) scepen(en) p(ar)tien en(de) sake versond(en) bijd(er) wet Es/ geappointeert op al geledt sijnde genoech oick beki(n)nen(de)/ de voirs(creven) peet(er) datt(er) ande(r) goede noch wae(re)n d(air)op/ hij soude moege(n) procede(re)n den voirs(creven) wijle(n) emonde/ toebehoiren(de) dat hij den voirs(creven) symoen(e) ongemoeyt soude/ van zijne(n) voirnemen(en) en(de) met sijne(n) beleyde sup(er)cede(re)n/ soude van opte(n) selve(n) beempt en(de) gront te moege(n)/ voirtva(r)en laten(de) hem dien vredelijck gebruycke(n)/ navolgen(de) zijnd(er) gued(en) als dat behoirt Behalve(n)/ hem sijn actie van sijne(n) beleyde opde voirs(creven) ande(r)/ goede den voirs(creven) wijle(n) emonde toebehoiren(de) Act(um)/ in cons(ili)[o] opidi aprilis penultima